Msaada Wakati Mpendwa Anapokufa

Miaka michache iliyopita, Mashahidi wa Yehova walichapisha broshua iliyozungumzia magumu ya kukabiliana na kifo cha mpendwa. Hivi majuzi, tulipokea barua moja kutoka kwa msomaji mwenye uthamini kutoka katika Shirikisho la Jamhuri ya Yugoslavia, aliyeandika hivi: “Nawashukuru kwa dhati kwa ajili ya broshua Mtu Fulani Umpendaye Anapokufa. Inazungumzia kabisa mambo yote yanayotokea tunapompoteza mpendwa.”

Mwandishi wa barua hiyo alieleza hivi: “Kaka yangu alipokufa katika aksidenti ya barabarani, broshua hiyo ilinipa ‘msaada niliohitaji sana.’ Sehemu yenye kichwa ‘Baadhi ya Madokezo Yenye Kutumika,’ kwenye ukurasa wa 18, ilinifariji sana. Hata hivyo, baada ya miezi minne nilianza kuhisi maumivu makali sana pamoja na kukumbuka kwa kutamani sana wakati uliopita. Nilihofu kuwa afya yangu ya kihisia-moyo ingedhoofika.

“Nikasoma broshua hiyo tena, na kwenye sanduku lililo kwenye ukurasa wa 9 lenye kichwa ‘Kawaida ya Kuhuzunika,’ niliona kuwa kipindi cha kupata usawaziko hufuatwa na huzuni na kukumbuka kwa kutamani sana wakati uliopita. Nilifarijiwa sana. Asanteni kwa huruma yenu nyororo ambayo mnaonyesha kupitia broshua hiyo.”

Huenda wewe au mtu fulani unayemjua atafarijiwa kwa kusoma broshua hiyo yenye kurasa 32. Waweza kuomba nakala kwa kujaza na kutuma kuponi iliyo hapa kwa anwani iliyoonyeshwa au kwa anwani ifaayo iliyoorodheshwa kwenye ukurasa wa 5 wa gazeti hili.

□ Nitumieni nakala ya broshua Mtu Fulani Umpendaye Anapokufa. Onyesha lugha unayotaka.

□ Tafadhali wasilianeni nami kuhusu funzo la Biblia la nyumbani bila malipo.