Makala Hiyo Ilifika Wakati Barabara

GLORIA, anayeishi Quebec, Kanada, aandika hivi: “Ningependa kuwashukuru kwa ajili ya makala ‘Je, Macho Yako Yana Madoa?’ katika toleo la Amkeni! la Juni 8, 2000.” “Kwa miaka kadhaa sasa, nimekuwa na madoa madogo machoni na niliambiwa kwamba ni jambo la kawaida tu. Karibuni nilikuwa nikiona madoa mengi zaidi, na yalinitia wasiwasi.

“Makala hiyo ilisema kwamba ukianza kuona idadi ya madoa ikiongezeka, ni heri uende kumwona daktari wa macho. Ndivyo nilivyofanya. Nilienda kumwona daktari wa macho, naye aligundua kwamba retina yangu imebanduka. Daktari alipendekeza nifanyiwe upasuaji kwa leza na akajaribu kunifafanulia tiba hiyo. Nilimwonyesha picha ya jicho iliyo kwenye ukurasa wa 24 wa gazeti hilo la Amkeni! Alitumia picha hiyo kunifafanulia hali yangu kisha akatazama jalada na kusema, ‘Lo—Amkeni!’ halafu akaweka gazeti hilo katika faili yake.

“Upasuaji ulifaulu, nami nina furaha sana. Gazeti la Amkeni! lilinisaidia kugundua kwamba retina yangu ilikuwa imebanduka, la sivyo, retina yangu ingebanduka hata zaidi.”

Ijapokuwa Amkeni! si jarida la kitiba, mara nyingi lina habari za kuelimisha kuhusu afya na tiba. Tiba bora zaidi haiwezi kutupa afya kamili, lakini Muumba wa mwili wa mwanadamu anaahidi kufanya hivyo. Atawaponyaje wanadamu? Je, ahadi zake zinaweza kutumainiwa?

Maswali hayo na mengineyo yanajibiwa katika broshua Je! Kweli Mungu Anatujali? yenye kurasa 32. Huenda ukafurahia hasa kusoma sehemu ya 10, yenye kichwa “Ule Ulimwengu Mpya Mzuri Ajabu Wenye Kufanyizwa na Mungu.” Waweza kuomba nakala ya broshua hiyo kwa kujaza kuponi iliyo hapa na kuituma kwa anwani iliyoonyeshwa au kwa anwani ifaayo iliyoorodheshwa katika ukurasa wa 5 wa gazeti hili.

□ Nitumieni nakala ya broshua Je! Kweli Mungu Anatujali? Onyesha lugha unayotaka.

□ Tafadhali wasilianeni nami kuhusu funzo la Biblia la nyumbani bila malipo.