Kutoka kwa Wasomaji Wetu

Magereza Asanteni sana kwa mfululizo wenye kichwa “Je, Wafungwa Wanaweza Kurekebishwa?” (Mei 8, 2001) Nilifungwa gerezani kwa miaka 14. Nilipokuwa gerezani nilianza kujifunza Biblia pamoja na Mashahidi wa Yehova. Niliendelea kujifunza baada ya kuachiliwa, na punde baadaye nikabatizwa. Wafungwa wanaweza kurekebishwa wakifuata kanuni za Biblia. Pia, wanapaswa kuwashukuru Mashahidi wanaojitahidi sana kutumia wakati wao kuwasaidia wafungwa. Mimi ninathamini jambo hilo.

R. S., Marekani

Kwa sasa mimi nimefungwa katika gereza ambamo Mashahidi wa Yehova waliruhusiwa kuanzisha masomo yao mazuri. Mfungwa mmoja tayari amebatizwa na wengine wengi hujifunza Biblia. Ni jambo zuri ajabu kumtumikia Yehova popote tulipo!

J. A. M., Marekani

Nyakati nyingine ninatatizika kuanzisha mazungumzo ya Biblia pamoja na watu huku Japani. Lakini nilitiwa moyo na ndugu hao wanaomtegemea Yehova na kufundisha wafungwa Biblia. Ninashukuru kwamba mnatueleza juu ya ndugu hao wanaojitahidi sana. Sote tunapaswa kujenga uhusiano wetu pamoja na Yehova katika siku hizi za mwisho.

K. D., Japani

Kwa kuwa nimefungwa gerezani kwa miaka minane iliyopita nimejionea mwenyewe kwamba magereza hayatimizi kusudi lao. Kile kinachofanikiwa ni kazi yenu ya kufundisha Biblia. Ninawashukuru Mashahidi wa Yehova wanaotuonyesha sisi wafungwa upendo. Tulifanya kosa lakini wengine wetu tunajaribu kujirekebisha na kuwa watu bora.

R. J., Marekani

Nilipoona toleo hilo nilijiuliza ni nani atakayependezwa nalo. Usiku huohuo nilipata simu. Mama yangu alikuwa amevamiwa, na gari lake likaibwa. Mimi na wafanyakazi wenzangu tulipoongea juu ya uhalifu, wahalifu, na magereza, nilikumbuka gazeti hilo lililokuwa katika kabati langu. Mfululizo huo ulikuwa mzuri sana! Kesho yake niliwapa wafanyakazi wenzangu na mama yangu nakala za gazeti hilo. Mfululizo huo unatimiza kikweli kusudi la Amkeni! la ‘kuchunguza sana matukio ya sasa na kutoa maana ya kweli ya matukio hayo.’

R. S., Marekani

Mfungwa mwenzangu alikuwa mtu wa kwanza kunieleza juu ya Mashahidi wa Yehova. Ninafurahi sana kujua kwamba Mashahidi wa Yehova wana ujasiri wa kutosha kuingia magerezani ili kusaidia watu kama mimi kumjua Yehova kabla ya mwisho. Mashahidi wanapasa kupongezwa kwa upendo wanaoonyesha.

M. N., Marekani

Mfululizo huo unaweza kuwasaidia watu wanaofanya kazi gerezani kwa kuwa unaonyesha kwamba Biblia inaweza kuwasaidia wafungwa kubadilika akilini na moyoni. Unawasaidia wafungwa pia kuelewa kazi yetu ya kuwasaidia kufanya mapenzi ya Yehova. Mifano kwenye ukurasa wa 10 inaonyesha wazi kwamba hatupaswi kushughulikia matatizo ya kisheria ya wafungwa bali kuwafundisha Biblia na kujaribu kufikia mioyo yao.

A. I., Rumania

Safari Nina umri wa miaka 13, na nilifurahia sana kusoma makala ya “Safarini Huko Ghana.” (Mei 8, 2001) Ninapenda sana kusoma juu ya wanyama. Tafadhalini msiache kamwe kuchapa magazeti hayo!

J. W., Marekani