Kutumia Amkeni! kwa Matokeo Mazuri

VANESSA mwenye umri wa miaka 16 ni mmoja wa Mashahidi wa Yehova huko Marekani. Yeye alipewa mgao shuleni wa kuandika insha kuhusu matatizo ya kula. Anasema: “Nilifanya utafiti, lakini sikuweza kupata habari za kutosha. Nilizungumza na wazazi wangu, nao wakanishauri nifanye utafiti katika vichapo vyetu.”

Alipochunguza vichapo vya Mashahidi wa Yehova, Vanessa alipata habari nyingi kwa ajili ya insha yake. “Lakini hiyo ilikuwa tu sehemu ya mgao wake,” yeye anasema. “Nilipaswa pia kutoa hotuba mbele ya mwalimu na wanafunzi 20!” Vanessa angewezaje kufaulu kufanya jambo hilo gumu?

Kama Mashahidi wa Yehova ulimwenguni pote, Vanessa hupata mazoezi ya kuzungumza mbele ya watu wote katika Shule ya Huduma ya Kitheokrasi, inayofanywa katika Jumba la Ufalme. “Kupitia shule hiyo, sisi hutayarishwa kwenda kwenye utumishi na kuongea na watu,” Vanessa anasema. “Pia, sisi hupokea mashauri kuhusu mambo tunayopaswa kuboresha ili watu waelewe tunayosema.” Vanessa alipata matokeo gani kutokana na jitihada yake? “Nilipata alama za juu zaidi,” anasema.

Vanessa ni mmoja wa vijana ambao wanapata matokeo mazuri wanapotumia vichapo vya Biblia na mazoezi mengine ya kiroho. Wao wanastahili pongezi, kwa sababu wamefuata himizo lililo katika Mhubiri 12:1: “Mkumbuke Muumba wako siku za ujana wako.”