“Amkeni! Iliokoa Uhai Wangu!”
“Amkeni! Iliokoa Uhai Wangu!”
Wachapishaji wa gazeti la Amkeni! walipokea barua ya shukrani kutoka Italia. Sehemu ya barua hiyo inasema hivi:
“Nimesoma Amkeni! kwa muda wa miaka 40, na ninapendezwa na mambo mengi mbalimbali yanayozungumziwa. Hivi majuzi nilipokuwa kazini, nilihisi maumivu makali tumboni na kifuani. Niliamua kwenda nyumbani, lakini nilipohisi maumivu hayo tena, nilikumbuka jambo fulani nililokuwa nimesoma katika makala fulani ya Amkeni! iliyoeleza kuhusu dalili za mshtuko wa moyo. * Niliamua kwenda hospitalini. Nilipokuwa katika chumba cha kungoja kumwona daktari, kichwa changu kilining’nia upande mmoja na nikazirai. Niliambiwa jambo hilo siku iliyofuata nilipokuwa katika chumba cha kuwatunzia wagonjwa mahututi.
“Niko hai leo kwa sababu madaktari stadi walinishughulikia haraka. Hata hivyo, ninawashukuru kwa gazeti lenu ambalo lilinipa habari iliyonisaidia kufanya uamuzi wa busara wa kwenda hospitalini. Amkeni! iliokoa uhai wangu!”
[Maelezo ya Chini]
^ fu. 3 Ona toleo letu la Desemba 8, 1996, ukurasa wa 6.