Mkutano Muhimu Zaidi wa Mwaka

Hebu wazia unaugua ugonjwa hatari sana. Ukipasuliwa, unaweza kupona, lakini huwezi kugharimia upasuaji huo. Tuseme mtu fulani ajitolea kugharimia upasuaji huo. Je, hungemshukuru sana kwa zawadi hiyo ambayo itaokoa uhai wako?

Biblia inafundisha kwamba wanadamu wa kwanza, Adamu na Hawa, waliwapitishia wazao wao wote dhambi na kifo. Kwa hiyo, kwa njia fulani sote tulizaliwa tukiwa na ugonjwa hatari sana—na hakuna yeyote kati yetu anayeweza kugharimia matibabu yake. (Zaburi 49:7-9) Hata hivyo, Yehova Mungu alimtoa Mwana wake, Yesu Kristo, kuwa fidia ya kufunika dhambi zetu. Kutokana na zawadi hiyo yenye kuokoa uhai, tunaweza kuishi milele katika Paradiso.—Waroma 6:23.

Jumatano, Aprili 16, baada ya jua kushuka, Mashahidi wa Yehova wataadhimisha kifo cha Yesu. Mwaka uliopita zaidi ya watu 15,000,000 walihudhuria na wengi wao hawakuwa Mashahidi wa Yehova. Unakaribishwa kuhudhuria Ukumbusho wa kifo cha Kristo mwaka huu. Huo ndio mkutano muhimu zaidi wa mwaka. Tafadhali wasiliana na Mashahidi wa Yehova wa kwenu ili ujue saa na mahali pa mkutano huo.