“Mtu Mwaminifu Aliupata!”

Patricia alipata mkoba uliokuwa umesahauliwa katika ofisi moja ya serikali jijini Cuernavaca, Mexico. Alipoufungua, aliona kwamba una kadi kadhaa za mkopo, hundi kadhaa zilizotiwa sahihi ambazo hazikuwa na jina la mpokezi wala kiasi cha pesa, na kitambulisho cha msanifu wa majengo. Mara alipofika nyumbani, alimpigia simu mtu huyo ili amwambie kwamba ameupata mkoba wake. Alishangaa na kusema: “Lo! Ninashukuru kwamba mtu mwaminifu aliupata!”

Mzee huyo alipoenda kwenye nyumba ya Patricia kuchukua mkoba wake, alimwambia Patricia kuwa yeye ni malaika, mtu aliyetumwa na Mungu. Patricia alisema kwamba yeye ni Shahidi wa Yehova, kisha akasema: “Ninamtumikia Mungu wa kweli, Yehova, naye amenifundisha. Ndiyo sababu nimetenda hivyo. Kwa hiyo, yeye ndiye anayepaswa kusifiwa.” Mtu huyo alipotaka kumpa zawadi, Patricia hakuikubali. Badala yake, Patricia alimpa habari fulani za kusoma kuhusu Biblia na akamwambia angependa azisome na kufaidika kutokana nazo.

Sawa na Mashahidi wengi wa Yehova, Patricia amejifunza kitabu Ujuzi Uongozao Kwenye Uhai Udumuo Milele. Kati ya sura zake 19 kuna moja yenye kichwa, “Kwa Nini Kuishi Maisha ya Kimungu Huleta Furaha.” Patricia aliona ukweli wa kichwa kidogo kinachosema, “Ufuatiaji-Haki Hutokeza Furaha.”

Unaweza kuomba kitabu hiki chenye kurasa 192 kwa kujaza sehemu iliyo hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea kitabu Ujuzi Uongozao Kwenye Uhai Udumuo Milele.

□ Ningependa kujifunza Biblia nyumbani kwangu bila malipo.