Kitabu kwa Ajili ya Vijana

Mwanafunzi wa chuo kikuu huko Arkhangelsk aliandikia ofisi ya tawi ya Mashahidi wa Yehova nchini Urusi. Alieleza kwamba mtu fulani alimpa barabarani gazeti lililochapishwa na Mashahidi wa Yehova. “Lilinifanya nifikirie kuhusu maisha na yale ninayojua kuhusu Mungu na dini,” akaandika. “Sasa nataka kujifunza Biblia. Ningependa kujifunza kuhusu mtu ambaye, bila kutujua, alitoa uhai wake kwa ajili ya dhambi zetu na wokovu wetu.”

Barua yake yaendelea kusema: “Mnafanya kazi muhimu sana, hasa kwa kuwaeleza watoto tofauti kati ya jema na baya. Ama kweli, wao ni kama sifongo zinazofyonza kila kitu kilicho karibu na kubadilika ili kujipatanisha nacho.” Mwanafunzi huyo ana ndugu na dada wachanga, naye aliomba nakala ya kitabu Maswali Ambayo Vijana Huuliza—Majibu Yafanyayo Kazi. “Natumaini kwamba kitawasaidia shuleni na maishani kwa ujumla,” akasema.

Wewe pia unaweza kupata nakala ya kitabu hiki, kilichokusudiwa kuwasaidia hasa vijana kukabiliana na matatizo ya leo. Jaza tu sehemu iliyo hapa chini na kuituma kwenye anwani iliyoonyeshwa hapa chini au kwenye anwani inayofaa iliyoorodheshwa katika ukurasa wa 5 wa gazeti hili.

□ Ningependa kupokea kitabu Maswali Ambayo Vijana Huuliza—Majibu Yafanyayo Kazi. Onyesha lugha unayotaka.

□ Ningependa kujifunza Biblia nyumbani mwangu bila malipo.