‘Gazeti Linalopaswa Kumeng’enywa’

DAVID ni mwanafunzi wa sheria katika Chuo Kikuu cha Obafemi Awolowo nchini Nigeria. Hivi majuzi aliiandikia hivi ofisi ya tawi ya Mashahidi wa Yehova nchini humo: “Mimi humpelekea magazeti ya Amkeni! profesa mmoja wa sheria mwenye umri wa miaka 70 katika kitivo chetu. Asubuhi moja baada ya kupokea magazeti ya karibuni, alimwambia hivi mgeni aliyekuwa katika ofisi yake: ‘Vitabu fulani vyapasa kuonjwa, vingine kumezwa, na vingine vichache kutafunwa na kumeng’enywa. Amkeni! ni gazeti linalopaswa kutafunwa na kumeng’enywa.’”

Pindi nyingine, David alipokuwa akitoka katika ofisi ya profesa huyo, alimsikia akimtia moyo mgeni mwingine asome Amkeni! “Alisema kwamba utafiti mwingi sana hufanywa ili kutayarisha gazeti la Amkeni! na linaeleza mambo kwa usawaziko na waziwazi. Nilimsikia akisema: ‘Mimi husoma magazeti hayo kwa makini sana. Haikosi Mungu ndiye anayewapatia waandishi hao hekima ya kuandika makala nzuri hivyo.’”

Gazeti la Amkeni! huelimisha na huzungumzia mambo mengi. Jambo muhimu hata zaidi ni kwamba linajenga uhakika katika ahadi ya Muumba iliyo katika Biblia kwamba ulimwengu mpya wenye amani utachukua mahali pa mfumo wa mambo uliopo. Broshua yenye kurasa 32 Mungu Anataka Tufanye Nini? inaonyesha kusudi hilo la Mungu na kueleza kupitia Biblia yale tunayopaswa kufanya ili atukubali. Unaweza kuomba broshua hiyo kwa kujaza sehemu iliyo hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea nakala moja ya broshua Mungu Anataka Tufanye Nini? Andika lugha unayotaka.

□ Ningependa kujifunza Biblia nyumbani kwangu bila malipo.