Kitabu Kilichowasaidia Kubadilika

KWA kuwa vijana wengi huiga mitindo ya kisasa ya kizembe, inafurahisha kuwaona wengine wakijitahidi kuvalia kwa kiasi. Katika jiji la Balykchy huko Kyrgyzstan, iliyokuwa jamhuri ya Muungano wa Sovieti, vijana kadhaa waliamua kupigwa picha wakiwa wamevalia kama vijana walio kwenye jalada la kitabu Maswali Ambayo Vijana Huuliza—Majibu Yafanyayo Kazi. Vijana hao walimwendea mpiga-picha stadi na kumwomba awapige picha kama ile iliyo kwenye jalada hilo. Picha hiyo imeonyeshwa hapa.

Baada ya kupigwa picha, vijana hao walimpa mpiga-picha kitabu hicho. Wakati huo hakupendezwa sana nacho kwa kuwa hakuamini Biblia. Hata hivyo, vijana hao waliporudi kuchukua picha yao baada ya siku kadhaa, alisema kwamba hajawahi kamwe kusoma kitabu kama hicho. Alisema kwamba hakudhani Biblia ina mashauri mazuri kama hayo na alitaka kujua zaidi. Hivyo, akaanza kujifunza Biblia.

Unaweza pia kuomba kitabu hicho, kilichokusudiwa kuwasaidia vijana hasa wakabiliane na matatizo yanayowakumba leo. Jaza sehemu iliyo hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea nakala moja ya kitabu Maswali Ambayo Vijana Huuliza—Majibu Yafanyayo Kazi.

□ Ningependa kujifunza Biblia nyumbani kwangu bila malipo.