Mtoto Wako Anaweza Kujifunza Mambo Mengi Kadiri Gani?

Mara nyingi watu wazima hawajui mtoto anaweza kujifunza mambo mengi kadiri gani. Hata hivyo, kwa kawaida watoto hujifunza lugha mpya haraka kuliko wazazi wao. Wanapofikia umri wa miaka minne, baadhi yao huzungumza lugha mbili au zaidi. Mwaka uliopita, mwanamke anayeitwa Rhonda, kutoka Auburn, Washington, Marekani, ambaye alikuwa ametilia shaka uwezo wa mtoto wa kujifunza aliandika hivi: “Asanteni kwa kunisaidia nitambue kwamba nilikuwa nimekosea.”

Rhonda alieleza kwamba alikuwa amesoma jambo lililoonwa katika toleo la Agosti 1, 1988, la gazeti letu la Mnara wa Mlinzi, na kusema hivi: “Kwenye ukurasa wa 13, kuna maelezo ya mama ya mvulana mwenye umri wa miaka minne na nusu aliyesema kwamba wakati mmoja alisoma Kitabu Changu cha Hadithi za Biblia na kutua, kisha mvulana huyo akaendeleza hadithi hiyo bila kukosea hata neno moja. Alisema pia kwamba mvulana huyo alikariri hadithi 33 za kwanza za kitabu hicho kutia ndani majina magumu ya mahali na watu. Lazima nikiri kwamba sikuamini jambo hilo. Kumbe nilikuwa nimekosea. Sasa nina binti wa miaka minne ambaye amekariri hadithi nyingi za kitabu Hadithi za Biblia.”

Umefanya nini ili kumtia moyo mtoto wako ajifunze? Unaweza kuomba Kitabu Changu cha Hadithi za Biblia, chenye kurasa 256 na hadithi 116 kuhusu watu na matukio ya Biblia. Jaza sehemu iliyo hapa chini na uitume ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea Kitabu Changu cha Hadithi za Biblia bila malipo. Andika lugha unayotaka.

□ Ningependa kujifunza Biblia nyumbani kwangu bila malipo.