Ilimfariji

Hivi karibuni msichana mmoja nchini Japani aliandika kuhusu tatizo la kushuka moyo ambalo alikuwa nalo hata kabla ya kubalehe. Msichana huyo anasema kwamba alifarijiwa na picha ya mtoto aliyekumbatiwa na baba yake, iliyokuwa katika gazeti la Mnara wa Mlinzi. Maelezo yaliyokuwa kando ya picha hiyo yalisema hivi: “Kama kumbatio changamfu kutoka kwa baba mwenye upendo, faraja anayotoa Yehova yaweza kutuliza hangaiko letu.”

Msichana huyo alisema kwamba alipata faraja pia kwa kusoma kitabu Jifunze Kutoka kwa Mwalimu Mkuu. Jinsi gani? “Kimeandikwa kana kwamba baba anazungumza na mtoto mdogo. Ninapokisoma, mimi huhisi kana kwamba niko mikononi mwa Yehova, na hilo hunifanya nitokwe machozi. Nyakati fulani mimi hutaka tu mtu anisikilize na, nyakati nyingine mimi humtaka azungumze nami tu. Hata hivyo, kwa kuwa hilo ni jambo ambalo mtoto mchanga hutaka, mimi siwezi kumwambia mtu kwamba nataka anikumbatie au azungumze nami. Kwa sasa, Yehova ananifanyia hivyo kupitia kitabu hicho.”

Kitabu hicho kilicho na picha maridadi chenye kurasa 256 kilitolewa mwaka jana. Unaweza kuomba kitabu hicho kwa kujaza sehemu iliyo hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kitabu Jifunze Kutoka kwa Mwalimu Mkuu bila malipo. Andika lugha unayotaka.

□ Ningependa kujifunza Biblia nyumbani kwangu bila malipo.