Kutoka kwa Wasomaji Wetu

Nishati Huku bei ya petroli ikiongezeka katika nchi ninamoishi, ningependa kuwashukuru kwa mfululizo wa makala zenye kichwa “Je, Tunaweza Kupata Nishati Bila Kuchafua Mazingira?” (Machi 8, 2005) Inafariji kujua kwamba katika ulimwengu mpya wa Mungu, “Yehova Mungu atahakikisha kwamba wanadamu wote wanafaidika na mali za asili zilizomo duniani bila ubaguzi.”

M. N., Marekani

Mfumo wa Jua Sijui mambo mengi kuhusu nyota, lakini nilifurahia kusoma makala “Mtu Aliyefunua Siri za Mfumo wa Jua.” (Machi 8, 2005) Mafanikio ya Kepler, ambaye aligundua sheria kuhusu jinsi sayari zinavyosonga, ni yenye kuvutia. Lakini ninapofikiria hekima ya Yehova, ambaye aliumba sheria hizo, ninahisi kicho kumwelekea.

M. Y., Japani

Kati ya mambo mengi ambayo hunivutia ni elimu ya nyota. Nilishangaa kusoma kwamba Johannes Kepler hakuishi maisha ya starehe nyakati zote. Labda katika ulimwengu mpya mimi pamoja na msomi huyo wa zamani tutafurahia kujifunza kuhusu galaksi ambazo kwa sasa hazijulikani. Tafadhali endeleeni kuandika makala zenye kuvutia kama hizo!

S. M., Ujerumani

Asanteni kwa kurahisisha habari ngumu ili wote waelewe uumbaji wa Yehova wenye kushangaza. Nilichochewa kusoma kuhusu mambo ambayo Kepler aligundua na jinsi alivyojitenga kwa uthabiti na dini ya uwongo! Ninasadiki kwamba mtachapisha makala zinazofaa wakati ujao.

S.M.C., Uingereza

Kufanya Mengi Zaidi Nilitiwa moyo sana na makala yenye kichwa “Nilifurahia Kufanya Mengi Zaidi.” (Februari 22, 2005) Simulizi la maisha la Claire Vavy lilihusu hali zangu, kwa kuwa yeye ni wa rika langu na nimetumika nikiwa mweneza-injili wa wakati wote kwa muda sawa na yeye. Jambo lililonivutia hata zaidi ni kwamba makala hiyo imesimuliwa na mseja. Nikiwa mwanamke mseja, nilitiwa moyo na bidii ya Claire na mtazamo wake mzuri. Picha zake katika makala nzima zinaonyesha furaha yake ya kweli. Jambo hilo lilinihakikishia hata zaidi kwamba furaha haitegemei hali au mali zetu, bali upendo kwa Yehova na utumishi tunaomtolea.

Y. R., Marekani

Nyanya Nina umri wa miaka 12, na nilipendezwa na makala yenye kichwa “Nyanya Hutumiwa Sana.” (Machi 8, 2005) Ninamshukuru sana Yehova kwa kuumba mboga mbalimbali zenye ladha nzuri. Nilishangaa kusoma kwamba hata kuna nyanya zenye milia! Asanteni kwa makala hizo zenye kusisimua.

M. F., Latvia

Mamba Nilivutiwa sana na makala “Je, Unaweza Kutabasamu na Mamba?” (Machi 8, 2005) Sikuzote nimemwona mamba kuwa kiumbe wa ajabu. Nilifurahi kusoma habari nyingi zenye kupendeza zinazoweza kuwachochea watu wawapende sana mamba kama ninavyowapenda. Ninatazamia kwa hamu ulimwengu mpya wa Yehova ambako tutaweza kuwajua mamba vizuri zaidi!

L. I., Marekani

Kutoka kwa Wasomaji Wetu Nilizaliwa nikiwa na ugonjwa wa mifupa. Barua zenye kugusa moyo na kuchochea zilizochapishwa “Kutoka kwa Wasomaji Wetu” (Machi 8, 2005) kuhusu makala “Mailyn Apata Uso Mpya” zilifanya nilie. (Mei 22, 2004) Kila barua ilikuwa na jambo fulani hususa ambalo lilinihusu na kuninufaisha.

M. J., Uingereza