“Siwezi Kuacha Kukisoma”

▪ Mwaka jana, kitabu chenye kurasa 224 kilicho na picha maridadi kilitolewa kwenye makusanyiko ya Mashahidi wa Yehova ulimwenguni pote. Kitabu hicho kimekusudiwa kusaidia watu waelewe mafundisho ya msingi ya Biblia. Kichwa chake ni Biblia Inafundisha Nini Hasa?

“Kitabu hiki kinavutia sana, siwezi kuacha kukisoma,” akaandika msomaji mmoja. “Kitabu hiki kimekusanya mbinu bora za kufundisha kutoka katika vitabu vyote vya kujifunza ambavyo nimesoma na kuziweka katika kurasa chache tu.”

Msomaji mwingine alisema: “Kila ukurasa unamtia moyo msomaji aendelee kusoma. Pia ninapendezwa na jinsi ambavyo mwishoni mwa kila sura, kitabu hicho kinaeleza habari itakayozungumziwa katika sura inayofuata. Nilichochewa sana na sehemu zake nyingi ambazo zimefanya nitokwe na machozi. Ninapendezwa na sehemu nyingi sana za kitabu hiki hivi kwamba nikiandika habari kukihusu, zinaweza kujaza kitabu kizima!”

Pia msomaji mwingine anayethamini kitabu hiki aliandika: “Amini usiamini, kitabu hiki kina thamani kubwa ya kiroho, na ni kifaa bora sana cha kufundisha wanafunzi wapya.”

Sasa kitabu Biblia Inafundisha Nini Hasa? kinapatikana katika zaidi ya lugha 140. Unaweza kuomba kitabu hicho kwa kujaza sehemu iliyo hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea kitabu Biblia Inafundisha Nini Hasa? bila malipo.

□ Ningependa kujifunza Biblia nyumbani kwangu bila malipo.