Kumsaidia Kijana Anayetaabika

SIBIA, msichana mwenye miaka 13 ambaye ni mwanafunzi huko Mexico, aligundua kwamba mara kwa mara mwanafunzi mwenzake alikuja shuleni akilia. Alijaribu kumfariji. Siku moja mwanafunzi huyo alimweleza kwamba baba yake ni mlevi na humpiga mama yake.

Sibia anaeleza, “Aliniambia kuwa hataki kuishi, na hata kwamba amejaribu kujiua. Alisema hakuna anayempenda na anajihisi mpweke. Nilimjibu kwamba kuna Mtu ambaye anapendezwa naye sana, Mtu muhimu zaidi katika ulimwengu wote. Halafu nikamweleza kusudi la Yehova kuwaelekea wanadamu.”

Baadaye Sibia alimpa mwanafunzi huyo kitabu Maswali Ambayo Vijana Huuliza—Majibu Yafanyayo Kazi na akaanza kujifunza naye kitabu hicho kila siku wakati wa mapumziko. Polepole mwanafunzi huyo alianza kuchangamana na wengine, kuzungumza, na kucheka nao. Kwenye barua aliyomwandikia Sibia, msichana huyo alisema hivi: “Asante kwa kuwa rafiki na kwa kunielewa. Umekuwa kama dada ambaye nimetamani kuwa naye. Sasa ninajua kwamba mtu fulani ananijali—Yehova.”

Labda unamjua kijana ambaye anaweza kufaidika na kitabu Vijana Huuliza. Kina sura 39 kutia ndani zifuatazo: “Naweza Kufanyaje Marafiki wa Kweli?,” “Vipi Juu ya Ngono Kabla ya Ndoa?,” na “Nijueje Kama Ni Upendo Halisi?” Unaweza kuomba nakala yako kwa kujaza sehemu iliyo hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea kitabu kilichoonyeshwa hapa bila masharti.

□ Ningependa kujifunza Biblia nyumbani kwangu bila malipo.