“Ni Kizuri Sana”

Hivyo ndivyo wenzi wa ndoa huko Georgia, Marekani, walivyoandika kuhusu kitabu Biblia Inafundisha Nini Hasa? kilicho na picha nzuri chenye kurasa 224 kilichochapishwa mnamo 2005. Walieleza hivi: “Ni kitabu kinachoeleweka kwa urahisi, karibu kila mtu anaweza kukitumia. Hata hivyo, kina chake kinaweza kutosheleza mahitaji ya kiroho ya hata watu wenye elimu ya juu.”

Wenzi fulani wa ndoa kutoka New Jersey, Marekani, walisema kwamba kichwa cha kitabu hicho kinavutia. Baada ya kuhudhuria kusanyiko la Mashahidi wa Yehova huko Florida, ambako walipata kitabu hicho, walisafiri kwenda likizo Bahamas. Ofisa wa forodha alipokuwa akikagua mizigo yao alikiona kitabu hicho, akasoma kichwa, na kusema, “Nimekuwa nikitaka kujua jibu la swali hilo.” Ofisa huyo alifurahi wenzi hao Mashahidi walipompa kitabu kimoja.

Siku iliyofuata mwanamke anayewauzia watalii vitu alikiona kitabu hicho wenzi walewale walipokuwa wakikisoma wakiwa ufuoni. Aliwaeleza kwamba mapema siku hiyo alisali kwamba Mungu amsaidie kupata jibu la swali hilo, Biblia Inafundisha Nini Hasa? Aliulizia jinsi anavyoweza kupata kitabu hicho na akafurahi sana walipompa kitabu chao kimoja kilichobaki.

Kitabu Biblia Inafundisha Nini Hasa? sasa kinapatikana katika zaidi ya lugha 145, na vitabu zaidi ya milioni 40 tayari vimechapishwa. Unaweza kuomba kitabu hicho kwa kujaza sehemu iliyo hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea kitabu kilichoonyeshwa hapa bila masharti.

□ Ningependa kujifunza Biblia nyumbani kwangu bila malipo.