Zawadi Iliyothaminiwa Sana

Zawadi humfurahisha anayeitoa na anayeipokea inapothaminiwa sana na inapotimiza mahitaji fulani. Muda mfupi uliopita mfanyakazi wa serikali aliye na cheo kikubwa huko Mexico aliiandikia ofisi ya tawi ya Mashahidi wa Yehova akiwashukuru kwa kupokea nakala ya kitabu Jifunze Kutoka kwa Mwalimu Mkuu. Kwa sehemu, barua hiyo ilisema hivi:

“Habari iliyo katika kitabu hicho ina thamani sana. Ingawa habari hiyo imetolewa katika kitabu cha kale, mashauri yake ni ya kisasa na yanahusu maisha yetu ya kila siku.

“Nina hakika kwamba sisi tukiwa wazazi tunapaswa kukazia viwango ambavyo vitawawezesha watoto kujua jinsi wanavyopaswa kutenda na vitakavyowasaidia wajiendeshe kwa heshima na unyoofu katika ulimwengu unaokosa sifa hizi. Zaidi ya hayo, tunapaswa kuwasaidia watambue kuna Mtu Mkuu Kuliko Wote, mwenye upendo na fadhili. Kwa kweli, kitabu hicho kitanisaidia sana kazini na pia kutimiza mgawo tuliopewa na Muumba wa kuwasaidia watoto wetu wakue na kuwa watu wanaowapenda jirani zao.”

Mfanyakazi huyo wa serikali alitambua thamani ya mafunzo yanayotolewa na mafundisho na mfano wa Yesu Kristo katika kitabu Jifunze Kutoka kwa Mwalimu Mkuu. Unaweza kupokea kitabu hiki chenye picha nzuri na kurasa 256 ambazo zina ukubwa unaolingana na kurasa za gazeti hili. Unaweza kuomba kitabu hicho kwa kujaza sehemu iliyo hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Ningependa kupokea kitabu kilichoonyeshwa hapa bila masharti.

□ Ningependa kujifunza Biblia nyumbani kwangu bila malipo.