Jinsi Vijana Wanavyoweza Kukabiliana na Kushuka Moyo

WANAFUNZI wa lugha ya Kiingereza huko Mexico waliombwa watayarishe hotuba kuhusu habari iliyowapendeza. Maritza anaeleza hivi: “Nilikuwa nimeshuka moyo kwa kipindi fulani, na makala ya mfululizo yenye kichwa ‘Msaada kwa Matineja Walioshuka Moyo’ katika gazeti Amkeni! la Septemba 8, 2001, ilinisaidia. Kwa hiyo, nilitumia habari hiyo, na hotuba yangu ilipata alama za juu. Baadaye, niliwapa wanafunzi na walimu makala hiyo.”

Miaka miwili baadaye, Maritza alipokuwa akihubiri, alimtembelea mwanafunzi ambaye alikuwa akijifunza somo lilelile la Kiingereza. Kwa kushangaza, mwanafunzi huyo alimwonyesha Maritza makala ile ya Amkeni! iliyozungumzia kushuka moyo miongoni mwa vijana. Inaonekana kwamba huyo mwalimu alithamini sana makala hiyo hivi kwamba yeye humpa kila mwanafunzi nakala yake!

Habari zaidi kuhusu jinsi vijana wanavyoweza kukabiliana na kushuka moyo inapatikana katika kitabu Maswali Ambayo Vijana Huuliza—Majibu Yafanyayo Kazi. Sura zake zinatia ndani “Kwa Nini Mimi Sijipendi?,” “Kwa Nini Ninashuka Moyo Sana?,” na “Naweza Kufanyaje Upweke Wangu Uniondoke?” Unaweza kuomba kitabu hicho kwa kujaza sehemu iliyoonyeshwa hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Bila masharti, ningependa kupokea kitabu kilichoonyeshwa hapa.

□ Ningependa kujifunza Biblia nyumbani kwangu bila malipo.