‘Sanduku Linaloweza Kufunguliwa na Yehova Peke Yake’

▪ Katika mwaka wa 2007, baba ya Erika mwenye umri wa miaka sita na Mattia mwenye umri wa miaka minne alikufa. Hata hivyo, uchungu wa watoto hao umepunguzwa na tumaini la ufufuo.—Matendo 24:15.

Erika hupenda kuzungumza na wengine kuhusu tumaini lake linalotegemea Biblia, hasa akiwa shuleni huko Sicily. Kwa mfano, rafiki yake anayeitwa Beatrice aliposema kwamba baba ya Erika sasa yuko mbinguni, Erika alimwambia kwa fadhili kwamba Biblia inasema kitu tofauti. “Kwa hiyo yuko wapi sasa?” Beatrice akauliza.

“Ndani ya kaburi,” akajibu Erika. Beatrice akamwuliza kaburi ni nini.

“Ni kama sanduku linalofunguliwa na kufungwa,” akaeleza Erika. “Lakini sanduku hilo linapofungwa huwezi kulifungua. Ni Yehova peke yake anayeweza kulifungua katika ulimwengu mpya.”

Kisha Erika akamweleza rafiki yake kwamba jina la Mungu ni Yehova, na Yehova ataleta paradiso duniani, hakutakuwa na magonjwa tena, na kwamba wafu wataishi tena. Kisha Erika akamwambia Beatrice amwulize mama yake ikiwa atamruhusu apokee zawadi ya kitabu kinachozungumzia mambo hayo.

Alipohakikishiwa kwamba mama ya Beatrice alikuwa amekubali, Erika alimpa rafiki yake nakala ya kitabu Jifunze Kutoka kwa Mwalimu Mkuu. Erika anaendelea kuzungumza na wengine kuhusu mambo anayojifunza katika Biblia na hata amempa mwalimu wake nakala ya kitabu kilichotajwa hapa juu.

Bila shaka, bado mara kwa mara Erika na ndugu yake mchanga wanahuzunika kwa sababu ya kifo cha baba yao. Lakini tumaini la ufufuo linawapa kitulizo. Watoto hao pamoja na wengine wengi ulimwenguni wanamshukuru Yehova, Mungu wa faraja ya kweli.—Mathayo 21:16; 2 Wakorintho 1:3, 4.

Unaweza kuomba kitabu hicho chenye kurasa 256 kilicho na picha zenye kupendeza, chenye ukubwa unaolingana na gazeti hili. Jaza sehemu iliyoonyeshwa hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Bila masharti, ningependa kupokea kitabu kilichoonyeshwa hapa.

□ Ningependa kujifunza Biblia nyumbani kwangu bila malipo.