Mageuzi au Uumbaji Ukweli Uko Wapi?

▪ Alipokuwa na umri wa miaka 12, msichana mmoja nchini Mexico anayeitwa Aspen aliombwa na mwalimu wake wa biolojia awaeleze wanafunzi wenzake wa darasa la saba kwa nini aliamini katika uumbaji badala ya mageuzi. Aspen alieleza vizuri kwamba kila kiumbe kimebuniwa kwa njia nzuri sana na hilo linathibitisha kwamba kuna mbuni na muumba. Akijua kwamba wazazi wa Aspen ni wanajiolojia, mwalimu alimwambia atayarishe habari zinazoonyesha kwamba mabaki ya mimea na wanyama yanathibitisha kwamba simulizi la uumbaji ni sahihi, kisha aitoe mbele ya darasa.

Siku iliyofuata Aspen alienda shuleni na mifano fulani ya mabaki hayo na kuliambia darasa kwamba hakuna uthibitisho wowote unaotolewa kwamba viumbe vilijibadili hatua kwa hatua. Pia alieleza kwamba mabaki hayo yanaonyesha kuwa viumbe hao waliishi katika vipindi mbalimbali, na hilo linathibitisha simulizi la Mwanzo kuhusu siku za uumbaji.

Mwalimu mkuu wa shule hiyo alikuwapo na akampongeza sana Aspen kwa usadikisho wake na kwa kutetea uumbaji. Mwalimu wa biolojia alisema kwamba simulizi la uumbaji hueleza mambo waziwazi, lakini mageuzi huwaacha watu na mashaka. Aspen aliwapa mwalimu mkuu, mwalimu wake, na wanafunzi wenzake vichapo vinavyothibitisha simulizi la uumbaji ni la kweli.

Je, umewahi kujiuliza kama kuna uthibitisho wenye kutegemeka wa kisayansi unaoonyesha kwamba kuna Muumba, na kama yuko, je kuna sababu ya kuamini kwamba anatujali? Tunakusihi usome kitabu Life—How Did It Get Here? By Evolution or by Creation? chenye kurasa 256.

Unaweza kuomba kitabu hicho kwa kujaza sehemu iliyoonyeshwa hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Bila masharti, ningependa kupokea kitabu kilichoonyeshwa hapa chini.

□ Ningependa kujifunza Biblia nyumbani kwangu bila malipo.