Leo, watoto wanazungukwa na kiwango kikubwa cha jeuri na maadili mapotovu. Kwa hiyo, sasa kuliko wakati mwingine wowote, watoto wetu wanahitaji zaidi mwongozo wa kimaadili na wa kiroho. Wazazi watapata wapi msaada wa kuwazoeza watoto wao? Wazazi wengi ambao wamefanikiwa wamepata msaada kutoka katika Biblia, kwa kuwa wametambua kwamba mwongozo wa Biblia kuhusu maisha na maadili hauna kifani.

Ili kuwasaidia wazazi kuwafundisha watoto wao, Mashahidi wa Yehova wamechapisha kitabu Jifunze Kutoka kwa Mwalimu Mkuu. Kitabu hicho chenye sura 48, kinatia ndani habari zifuatazo: “Utii Unakulinda Wewe,” “Kwa Nini Tuwe Wenye Kusamehe?” “Kwa Nini Hatupaswi Kusema Uwongo?” “Jinsi Tunavyoweza Kuushinda Woga,” na “Kwa Nini Tufanye Kazi?”