Wazazi wana jukumu zito la kuwafundisha watoto wao kumhusu Yehova. (Efe. 6:4) Ili kuwasaidia wazazi, tengenezo la Yehova limetokeza habari mbalimbali. Unawezaje kuzitumia kuwazoeza watoto wako?

• Tafuta habari hizo. Tovuti ya jw.org ina habari zote zilizochapishwa kwa ajili ya vijana, kutia ndani video na mazoezi. a Ili kupata habari hizo, andika “Watoto” au “Matineja” kwenye sehemu ya Tafuta.

• Tafuta habari zinazomfaa mtoto wako. Habari zinazopatikana katika sehemu ya “Watoto” zinaweza kukusaidia kuchagua mazoezi yanayomfaa mtoto wako. Ili kupata habari hizo, tafuta “Miradi ya Ibada ya Familia.”

• Zungumza na mtoto wako. Epuka kutumia video na mazoezi yaliyochapishwa ili kumpa tu mtoto wako jambo la kufanya. Badala yake, zungumzia habari hizo na mtoto wako na umsaidie ajenge urafiki wake pamoja na Yehova.