Kama wengi wetu, huenda ni vigumu kwako kukumbuka mambo unayojifunza. Lakini je, umetambua kwamba ni rahisi kukumbuka mambo ambayo Yesu alifundisha kwa sababu mara nyingi alitumia mifano? Unaweza kuwazia mifano hiyo akilini, na hilo linakusaidia kukumbuka. Vivyo hivyo, unaweza kukumbuka mambo mengi zaidi unayojifunza kwa kuyawazia au kwa kupiga picha akilini mambo hayo. Unawezaje kufanya hivyo? Kwa kuchora picha unapojifunza.

Watu wanaochora picha za mambo mapya wanayojifunza, mara nyingi huyakumbuka vizuri zaidi. Njia hii ya kuchora huwasaidia kukumbuka maneno na mambo makuu waliyojifunza. Picha zao si kazi za sanaa, badala yake wanachora picha rahisi tu. Na uthibitisho unaonyesha kwamba watu wenye umri mkubwa hasa wanaweza kunufaika na mbinu hii.

Wakati ujao unapojifunza, unaweza kujaribu kuchora picha za mambo utakayojifunza. Utashangaa kuona jinsi utakavyokumbuka mambo mengi!