JINSI YA KUSHINDA CHUKI
2 | Usilipize Kisasi
Biblia Inasema:
“Msimlipe yeyote uovu kwa uovu. . . . Ikiwezekana, kwa kadiri inavyowategemea ninyi, fanyeni amani na watu wote. Msijilipizie kisasi, . . . kwa maana imeandikwa: ‘“Kisasi ni changu; mimi nitalipa,” asema Yehova.’”—WAROMA 12:17-19.
Inamaanisha Nini?
Ingawa ni kawaida kukasirika tunapokosewa, Mungu hataki tulipize kisasi. Badala yake anatusihi tumsubiri yeye kwa sababu hivi karibuni ataondoa ukosefu wote wa haki.—Zaburi 37:7, 10.
Jinsi ya Kutumia Kanuni Hii:
Wanadamu wasio wakamilifu wanapolipiza kisasi, wanasababisha chuki. Kwa hiyo, mtu anapokukasirisha au kukuumiza, usilipize kisasi. Jitahidi kujibu kwa upole na ujizuie. Katika hali fulani, huenda ni vizuri kupuuza jambo lililotokea. (Methali 19:11) Lakini ukiona kuna ulazima wa kutoa taarifa kuhusu jambo hilo, unaweza kufanya hivyo. Kwa mfano, ikiwa umefanyiwa uhalifu, unaweza kuamua kutoa taarifa polisi au kwa wenye mamlaka.
Kulipiza kisasi ni kujiumiza mwenyewe
Vipi ikiwa haiwezekani kusuluhisha tatizo hilo kwa njia ya amani? Au namna gani ikiwa ulijaribu kufanya yote unayoweza ili kusuluhisha jambo hilo kwa njia ya amani? Usilipize kisasi. Hilo linaweza kufanya hali iwe mbaya zaidi. Usiendeleze chuki. Unaweza kujifunza kutumaini njia ya Mungu ya kusuluhisha matatizo. Biblia inasema hivi: “Mtegemee yeye, naye atatenda kwa niaba yako.”—Zaburi 37:3-5.
Huenda Ukapenda Pia
BIBLIA INABADILI MAISHA
Nilitaka Kupigania Haki
Rafika alijiunga na kikundi cha kufanya mabadiliko ili kupambana na ukosefu wa haki. Lakini akapata ahadi ya Biblia kwamba kutakuwa na amani na haki kupitia Ufalme wa Mungu.
BIBLIA INABADILI MAISHA
Je, Upendo Unaweza Kushinda Chuki?
Inaweza kuwa vigumu kushinda ubaguzi. Ona jinsi Myahudi na Mpalestina walivyofanikiwa kushinda tatizo hilo.
MAJIBU YA MASWALI YA BIBLIA
Biblia Inasema Nini Kuhusu Kulipiza Kisasi?
Ushauri wa Biblia umewasaidia watu wengi kushinda tamaa ya kulipiza kisasi.
