Furahia Baraka za Muumba Wetu Milele
Mungu alimwahidi nabii Abrahamu kwamba mmoja kati ya wazao wake atayaletea “mataifa yote ya dunia” baraka. (Mwanzo 22:18) Mzao huyo ni nani?
Karibu miaka 2,000 iliyopita, Mungu alimpa Yesu, mzao wa Abrahamu, uwezo wa kufanya miujiza. Miujiza hiyo ilithibitisha kwamba ahadi ambayo Abrahamu alipewa, kwamba mataifa yote yangebarikiwa, ingetimizwa na Yesu.—Wagalatia 3:14.
Miujiza ambayo Yesu alifanya ilithibitisha kwamba amechaguliwa na Mungu kuwabariki wanadamu, na pia ilionyesha jinsi Mungu atakavyomtumia kuwabariki wanadamu milele. Miujiza ambayo alifanya ilifunua sifa zake nzuri. Kwa mfano:
Aliwajali watu—Yesu aliwaponya wagonjwa.
Siku moja mtu fulani mwenye ukoma alimwomba Yesu amponye. Yesu akamgusa na kumwambia: “Ninataka!” Mara moja ule ukoma ukaisha.—Marko 1:40-42.
Ukarimu—Yesu aliwalisha wenye njaa.
Yesu hakutaka watu wawe na njaa. Katika nyakati tofauti, Yesu alifanya miujiza ya kuwalisha maelfu ya watu kupitia vipande vichache vya mikate na samaki. (Mathayo 14:17-21; 15:32-38) Watu walikula na kushiba, na chakula kingi kilibaki.
Huruma—Yesu aliwafufua watu waliokufa.
Mjane fulani alifiwa na mwana wake na hakuwa na mtu mwingine wa kumtunza. Yesu alipomwona mjane huyo akiomboleza, ‘akamsikitikia’ na kumfufua mwana wake.—Luka 7:12-15.
Huenda Ukapenda Pia
IMANI YA KWELI—SIRI YA KUWA NA MAISHA YENYE FURAHA
Mungu Ana Kusudi Gani kwa Dunia?
Maandiko Matakatifu yanasema kwamba Mungu hakuiumba dunia “bila sababu” bali “ili ikaliwe na watu.” Lakini je, Mungu alikusudia hali ziwe jinsi zilivyo leo?
ESSENTIAL BIBLE TEACHINGS
Kwa Nini Mungu Aliiumba Dunia?
Dunia imejaa vitu maridadi. Iko umbali unaofaa kabisa kutoka kwenye jua, imeinama kwa pembe inayofaa kabisa, na inazunguka kwa mwendo unaofaa kabisa. Kwa nini Mungu alifanya jitihada kubwa sana hivyo kuiumba dunia?
