Unaweza Kupata Baraka za Mungu Mwenye Upendo
Je, unatamani kuishi katika ulimwengu usio na vita, ukatili na migogoro?
Je, unatamani kuishi katika ulimwengu usio na magonjwa, kuteseka na kifo?
Je, ungependa kuishi bila woga na mahangaiko?
Je, ungependa kuishi katika eneo ambalo halipatwi na majanga ya asili?
Mungu wetu mwenye upendo, ambaye ndiye Muumba wa sayari yetu maridadi, ameahidi kuwabariki wanadamu ili waishi kwa amani na furaha milele. Ahadi hiyo itatimia.
Tunakualika uchunguze mambo yafuatayo katika makala zinazofuata:
Muumba wetu ameonyeshaje kwamba anatupenda?
Maandiko Matakatifu yana ujumbe gani kwa wanadamu?
Manabii wa Mungu walifunua habari gani kuhusu baraka za wakati ujao?
Tunaweza kufanya nini ili tuwe na furaha sasa na tupate baraka za Mungu za wakati ujao?
Acheni tuanze kwa kuchunguza mambo yanayothibitisha kwamba Muumba wetu anatupenda.
