Jinsi Wanavyostahimili Msongo wa Marika

TAMAA ya kutaka kukubalika hufanya wengi waanze kufikiri na kutenda kama marika wao. Vijana hasa wanahitaji nguvu ili kukataa mazoea yenye kudhuru kama vile matumizi mabaya ya dawa za kulevya na ukosefu wa adili katika ngono. Wanaweza kustahimilije msongo wa marika?

Hivi majuzi, wasichana wawili matineja nchini Poland waliandika hivi: “Roho ya ulimwengu i dhahiri kabisa miongoni mwa wengi wa marika wetu. Wanadanganya katika mtihani, wanatumia lugha chafu, na wanapenda sana mavazi ya kimtindo, na muziki usio wa adili na unaochochea jeuri. Tunafurahi kama nini kuwa na makala ambazo hutushughulikia sisi vijana na kutulinda na uvutano wa matineja waasi na wasioridhika!

“Twashukuru sana kwa makala za Mnara wa Mlinzi ambazo zimetusisitizia kwamba sisi vijana twahitajiwa na kuthaminiwa. Shauri la Biblia ambalo tumepokea limetusaidia kuelekeza hatua zetu ifaavyo ili tuendelee kumpendeza Yehova Mungu. Tunasadiki kwamba kumtumikia Yehova kwa uaminifu ndiyo njia bora zaidi ya maisha.”

Ndiyo, vijana wanaweza kustahimili msongo wa marika. Kwa kuzoeza “nguvu zao za ufahamu,” vijana Wakristo hujifunza kufanya maamuzi ya busara yasiyodhihirisha “roho ya ulimwengu” lakini, badala yake, “roho itokayo kwa Mungu.”—Waebrania 5:14; 1 Wakorintho 2:12.