‘Alivumilia Hadi Mwisho’

KATIKA video ya mwaka wa 1993 ambayo huonyeshwa washiriki wapya wa makao makuu ya Mashahidi wa Yehova, Lyman Alexander Swingle kusema: “Kufa ukiwa bado unafanya kazi!”

alieleza jinsi alivyohisi kuhusu kumtumikia Yehova kwa Ndugu Swingle mwenye umri wa miaka tisini alifanya vile alivyowatia wengine moyo wafanye. ‘Alivumilia hadi mwisho.’ (Mathayo 24:13) Ingawa alikuwa anaugua, siku ya Jumatano, Machi 7, alihudhuria mkutano wa Baraza Linaloongoza la Mashahidi wa Yehova ambalo alikuwa mshiriki. Jumanne iliyofuata hali yake ilidhoofika, na saa 10:26 alfajiri, Machi 14, daktari wake akatangaza kuwa amekufa.

Lyman Swingle alianza utumishi wake kwenye makao makuu ya Mashahidi wa Yehova huko Brooklyn, New York, Aprili 5, 1930. Alitumikia huko kwa miaka 71 hivi. Kwanza Lyman alipewa kazi ya kujalidi vitabu, kisha akafanya kazi ya uchapaji, na pia kusaidia kutengeneza wino. Ndugu Swingle alitengeneza wino kwa miaka 25 hivi. Alitumikia pia kwa miaka ipatayo 20 akiwa mshiriki wa idara ya uandishi ya makao makuu. Kwa miaka 17 iliyosalia ya maisha yake, alifanya kazi katika Ofisi ya Mweka-Hazina.

Lyman alikuwa mtangazaji jasiri wa Ufalme wa Mungu. Katika miaka yake ya mapema huko Brooklyn, yeye na Arthur Worsley, ambaye waliishi pamoja, walikuwa wakitumia mojawapo ya mashua za Mashahidi kusafiri kwenda upande wa juu wa Mto Hudson. Kwa msaada wa vikuza sauti, walitumia miisho-juma mingi wakitangaza ujumbe wa Ufalme kwa watu walioishi karibu na mto huo.

Ndugu Swingle alizaliwa Novemba 6, 1910, huko Lincoln, Nebraska, lakini muda mfupi baadaye familia hiyo ikahamia Salt Lake City, Utah. Wakiwa huko, mwaka wa 1913, wazazi wake walipata kuwa Wanafunzi wa Biblia, kama Mashahidi wa Yehova walivyoitwa wakati huo. Kwa miaka mingi, jamaa ya Swingle ilikaribisha wasemaji wengi waliowatembelea kutoka makao makuu ya Mashahidi huko Brooklyn, na Lyman akajifunza mambo mengi kutoka kwa wanaume hao. Katika mwaka wa 1923, alibatizwa kuonyesha wakfu wake kwa Mungu akiwa na umri wa miaka 12.

Baada ya kutumikia huko Brooklyn kwa zaidi ya miaka 26 akiwa mseja, Lyman alimwoa Crystal Zircher Juni 8, 1956 na maisha yake yakaboreka sana. Walipendana sana na walienda katika huduma pamoja hadi Crystal alipokufa mwaka wa 1998. Miaka ipatayo mitatu kabla ya kufa, Crystal alikuwa amepatwa na ugonjwa wa kiharusi (stroke) ambao ulimlemaza vibaya. Lyman alishiriki kila siku katika kazi ya kumtunza Crystal na hivyo kuweka kielelezo cha upendo mkubwa kilichowachochea wote, hasa wale waliomwona akimsukuma Crystal kwenye kiti chake cha magurudumu katika njia za miguu zilizokuwa karibu, huku Crystal akitolea wapita-njia magazeti ya Mnara wa Mlinzi na Amkeni!

Ndugu Swingle alikuwa mtu aliyesema mambo waziwazi, mchangamfu ambaye alivutia wale waliomjua. Kama babake na mamake, yeye alikuwa na tumaini linalotegemea Biblia la kuishi pamoja na Yesu Kristo katika Ufalme wa mbinguni, tumaini ambalo tuna hakika kwamba sasa amelipata.—1 Wathesalonike 4:15-18; Ufunuo 14:13.

[Picha katika ukurasa wa 31]

Ndugu Swingle alitengeneza wino kwa miaka 25 hivi

[Picha katika ukurasa wa 31]

Lyman na Crystal walipendana sana