Je, Unakumbuka?

Je, umefurahia kusoma matoleo ya karibuni ya Mnara wa Mlinzi? Hebu ona kama unaweza kujibu maswali yafuatayo:

• Kwa nini Maswali yaliyoulizwa katika kitabu cha Ayubu sura ya 38 yafaa kufikiriwa hata leo?

Kazi nyingi za ajabu ambazo Mungu alitekeleza haziwezi kueleweka kikamili hata na wanasayansi wa leo. Wanasayansi hawaelewi jinsi nguvu ya uvutano inavyodumisha dunia katika mzunguko wake, nuru ni nini hasa, kwa nini kuna namna nyingi sana za chembe za theluji, jinsi matone ya mvua hufanyika, na jinsi nishati inavyotumika katika radi.—4/15, ukurasa wa 4-11.

• Ni vielelezo gani katika Biblia vinavyoweza kutusaidia kukabiliana na hisia zisizofaa?

Kuna wakati ambapo Asafu, Baruki, na Naomi walivunjika moyo au wakawa na hisia nyingine zisizofaa, na Maandiko yanayoonyesha jinsi walivyofanikiwa kukabiliana na hali hizo yanaweza kutusaidia.—4/15, ukurasa wa 22-24.

• Ni kwa njia zipi halisi tunaweza kuwasaidia wajane Wakristo?

Marafiki wanaweza kujitoa kwa njia ya waziwazi na kwa fadhili kusaidia. Huenda watu wa familia na wengineo wakawa na uwezo wa kifedha au kimwili kusaidia wajane walio na uhitaji wa kweli. Wakristo wenzao wanaweza pia kuwasaidia kwa kuonyesha urafiki, wakiwafariji na kuwategemeza kiroho.—5/1, ukurasa wa 5-7.

• Kwa nini ni muhimu kuoa au kuolewa “katika Bwana tu,” kama andiko la 1 Wakorintho 7:39 linavyoshauri?

Mara nyingi kufunga ndoa na watu wasioamini kumekuwa na matokeo mabaya. Isitoshe, kufuata ushauri huo wa Mungu kunaonyesha uaminifu-mshikamanifu kwa Yehova Mungu. Mioyo yetu haitushutumu tunapotii Neno la Mungu. (1 Yohana 3:21, 22)—5/15, ukurasa wa 20-21.

• Kwa kuwa Yehova ndiye awezaye kutusamehe dhambi, kwa nini Wakristo huungama dhambi nzito kwa wanaume wazee kutanikoni?

Naam, Mkristo anahitaji kutafuta msamaha wa Yehova kwa dhambi nzito. (2 Samweli 12:13) Lakini kama vile nabii Nathani alivyomsaidia Daudi, wanaume wazee walio wakomavu katika kutaniko wanaweza kusaidia watenda-dhambi wenye kutubu. Kuwaendea wazee kwapatana na mwelekezo uliotolewa kwenye Yakobo 5:14, 15.—6/1, ukurasa wa 31.

• Kuna uthibitisho gani kwamba tunapaswa kutunza mayatima na wajane walio na uhitaji?

Historia inaonyesha kwamba kutoa utunzaji huo kulikuwa sehemu muhimu ya ibada ya kweli miongoni mwa Waebrania wa kale na Wakristo wa mapema. (Kutoka 22:22, 23; Wagalatia 2:9, 10; Yakobo 1:27) Katika Maandiko, mtume Paulo alitia ndani maagizo yaliyo wazi kwa Wakristo kutunza wajane wenye uhitaji. (1 Timotheo 5:3-16))—6/15, ukurasa wa 9-11.

• Unawezaje kuwa na maisha yenye furaha na yenye kusudi?

Ni lazima tusitawishe na kudumisha uhusiano ufaao pamoja na Yehova, Baba yetu wa mbinguni. Kujifunza Biblia kutatusaidia sana kufanya hivyo.—7/1, ukurasa wa 4-5.

• Je, kila mtu ana nafsi isiyoweza kufa ambayo huendelea kuishi baada ya kifo?

Ingawa watu fulani huamini kwamba kile kisichoweza kufa ni roho wala si nafsi, Biblia haiungi mkono wazo hilo. Hiyo huonyesha kwamba mtu hurudi mavumbini anapokufa na hawi hai tena. Lakini Mungu ndiye mwenye uwezo wa kumrudisha kuwa hai tena, kwa hiyo tumaini lolote la kuishi wakati ujao, kupitia ufufuo, lamtegemea Mungu. (Mhubiri 12:7))—7/15, ukurasa wa 3-6.

• Danieli alikuwa wapi wakati wale Waebrania watatu walipojaribiwa kwenye uwanda wa Dura?

Biblia haisemi alikuwa wapi. Huenda ikawa Danieli hakuhitajika kuwa hapo kwa sababu ya cheo chake, au huenda alikuwa ameenda kufanya kazi fulani ya kiserikali. Lakini tunaweza kuwa na hakika kwamba yeye hakuridhiana uaminifu wake kwa Yehova.—8/1, ukurasa wa 31.