Wanatumia Jina la Mungu Huko Afrika ya Kati

WATU wengi huko Afrika ya Kati wanamwamini Mungu. Wanaamini kabisa kwamba yeye ni Muumba wa vitu vyote. (Ufunuo 4:11) Hata hivyo, mara nyingi wao hulipuuza jina lake, Yehova, kama ambavyo watu wengi hufanya mahali penginepo.

Watu wa Afrika ya Kati, na vilevile sehemu nyingine za dunia, hurejezea jina la Mungu wanaposali, “Jina lako litukuzwe” katika ile Sala ya Bwana. (Mathayo 6:9, Union Version) Lakini kwa muda mrefu watu wengi hawakulijua jina hilo. Hata hivyo, mahubiri ya bidii na ya miaka mingi ya Mashahidi wa Yehova yamebadili maoni ya watu juu ya jina la Mungu. Leo, Jina la Mungu linajulikana na kukubalika katika lugha nyingi za Afrika, kama vile Kizulu (uJehova), Kiyoruba (Jehofah), Kixhosa (uYehova) na Kiswahili (Yehova). Lakini, tafsiri nyingi za Biblia katika lugha hizo bado zinaepuka kutumia jina la Mungu.

Tafsiri nzuri inayotumia jina la Mungu ni Biblia ya Kizande, lugha ambayo huzungumzwa na watu kutoka sehemu za Jamhuri ya Afrika ya Kati, Sudan, na Jamhuri ya Kidemokrasia ya Kongo. Watu hao wanatumia jina la Mungu na wanaliandika Yekova katika lugha yao. Ni muhimu kutumia jina la Mungu, hata liwe limeandikwa kwa njia gani katika lugha mbalimbali. Kwa nini? Kwa sababu “kila mtu aitiaye jina la Yehova ataokolewa.”—Waroma 10:13.

[Ramani/Picha katika ukurasa wa 32]

(Ona mpangilio kamili katika nakala iliyochapishwa)

SUDAN

JAMHURI YA AFRIKA YA KATI

JAMHURI YA KIDEMOKRASIA YA KONGO

[Hisani]

The Complete Encyclopedia of Illustration/J. G. Heck