“Upate Hekima ya Kukufaa Siku Zijazo”

“Watu wengi hutumia miaka yao ya ujanani kwa njia itakayowaletea huzuni uzeeni.” Ndivyo alivyosema Jean de La Bruyère, mwandishi Mfaransa aliyeishi katika karne ya 17. Kwa kweli, kijana mwenye kusitasita anaweza kushindwa kuamua mambo, na hivyo akafadhaika na kuhuzunika. ‘Kwa upande mwingine, huenda kijana shupavu akafuata mwenendo usio wa hekima, na hatimaye akakosa furaha maishani. Vyovyote vile, kutofanya mambo yanayofaa au kujihusisha na uhalifu kunaweza kusababisha matatizo makubwa sana.

Hali hiyo inaweza kuepukwaje? Linapotoa onyo kuhusu kusitasita kuamua wakati wa ujanani, Neno la Mungu huwashauri vijana hivi: “Mkumbuke Muumba wako siku za ujana wako, kabla hazijaja siku zilizo mbaya, wala haijakaribia miaka utakaposema, mimi sina furaha katika hiyo.” (Mhubiri 12:1) Ikiwa wewe ni kijana, amua kujifunza juu ya “Muumba wako” wakati ungali mchanga.

Kwa hiyo basi, Biblia huwasaidiaje vijana waepuke mwenendo usiofaa? Inasema: “Sikiliza shauri na kupokea mafundisho, upate hekima ya kukufaa siku zijazo.” (Mithali 19:20, BHN) Pia Biblia huonyesha wazi kwamba kukataa hekima ya Mungu kwa kuipuuza au kuasi ukiwa kijana au ukiwa na umri wowote ule, huleta matokeo mabaya. (Mithali 13:18) Kinyume cha hilo, kutii amri za Mungu huleta ‘wingi wa siku na miaka ya uzima na amani,’ maisha yenye kutosheleza na kuridhisha.—Mithali 3:2.