“Umesema Kweli, Maisha Yanafurahisha Sana!”

JE, UNGEPENDA kujua kusudi la maisha? Magdalena, aliye na umri wa miaka 18, ni mmoja wa Mashahidi wa Yehova anayeishi katika jiji la Szczecin, Poland. Yeye alimsaidia mwanafunzi mwenzake wa shule ya sekondari, anayeitwa Katarzyna, kujua kusudi la maisha. Katarzyna hakumwamini Mungu hata kidogo, lakini alipendezwa Magdalena alipozungumza naye juu ya Biblia.

Ijapokuwa Katarzyna alipenda yale ambayo Magdalena alimwonyesha katika Biblia, hakuweza kuyakubali kabisa. Katarzyna alisema hivi siku moja alipoongea na Magdalena juu ya marafiki wa kweli: “Wewe una Biblia; unajua maadili yanayofaa kufuatwa na jinsi ya kupata marafiki wazuri. Lakini vipi wale ambao kwa wakati huu hawawezi kukubali maadili hayo?”

Katarzyna alibadili maoni yake baada ya kusafiri hadi London, Uingereza. Alitembelea ofisi ya tawi ya Mashahidi wa Yehova huko, naye aliguswa na upendo alioonyeshwa. Alivutiwa na vitendo vidogo vya fadhili alivyotendewa kama vile kufunguliwa mlango na kwamba watu walipendezwa kikweli na yale aliyosema.

Shule ilipofunguliwa Septemba 2001, Katarzyna alikubali kujifunza Biblia kwa ukawaida. Uthamini wake kwa maadili ya Biblia unaongezeka na ameanza kuzifuata katika maisha yake. Hivi majuzi alimwambia Magdalena hivi: “Ninahisi kana kwamba ninaanza maisha mapya.” Pia alituma ujumbe huu kwa kutumia simu ya mkononi: “Asante sana kwa funzo letu leo! Umesema kweli, maisha yanafurahisha sana! Inafurahisha sana kumjua yule ambaye tunapaswa kumshukuru kwa kutuwezesha kuishi.”