“Sikujua Mengi Kumhusu Mungu”

“TANGU mwaka jana, Mashahidi wa Yehova wamekuwa wakinitembelea na kunieleza habari nzuri sana kuhusu Ufalme wa Mungu. Nilikuwa Mkatoliki kwa miaka minane, lakini sikujua mengi kumhusu Mungu. Kwa muda wa mwaka mmoja tu, nimejifunza mengi,” ndivyo alivyoandika mwanamume fulani anayeishi Kerala, India. “Ninafurahi sana kujua kwamba gazeti Mnara wa Mlinzi huchapishwa katika lugha 139 [sasa 146],” akaendelea kusema. “Inashangaza kwamba watu wa lugha zote wanapata kuelewa ujumbe kumhusu Mungu.”

Ingawa wanafalsafa wengi hudai kwamba haiwezekani kumjua Mungu, mtume Paulo alionyesha wazi kwamba tunaweza kumjua. Akihutubia kundi la Waathene, ambao baadhi yao walikuwa wakiabudu kwenye madhabahu ya “Mungu Asiyejulikana,” Paulo alisema: “Kile mnachokipa ujitoaji-kimungu bila kujua, hicho ninawatangazia nyinyi. Mungu aliyeufanya ulimwengu na vitu vyote vilivyo katika huo . . . huwapa watu wote uhai na pumzi na vitu vyote. Naye alifanya kutoka kwa mtu mmoja kila taifa la watu, ili wakae juu ya uso mzima wa dunia.”—Matendo 17:23-26.

Paulo aliwasihi wasikilizaji wake wajitahidi kumjua Muumba, kwa kuwa “yeye hayuko mbali sana na kila mmoja wetu.” (Matendo 17:27) Mashahidi wa Yehova watafurahi kukusaidia kumjua Mungu wa kweli na sifa zake zenye kuvutia.