Video Inayokusudiwa Kugusa Mioyo ya Vijana

VIJANA wengi walitiwa moyo kufikiria sana mwenendo wao walipotazama video Young People Ask—How Can I Make Real Friends? * Video hiyo ina mashauri mazuri ya Kimaandiko, maelezo ya kibinafsi ya vijana Wakristo, na drama ya kisasa yenye kugusa moyo inayotegemea masimulizi ya Biblia kuhusu Dina. (Mwanzo, sura ya 34) Yafuatayo ni maelezo kutoka Mexico kuhusu video hiyo.

Martha anasema: “Video hiyo ilinigusa moyo sana. Ni kana kwamba ilitengenezwa kwa ajili yangu. Nilifikiri kwamba ilitosha tu walimu na wanafunzi wenzangu kujua kwamba mimi ni Shahidi wa Yehova. Nilishindwa kuwathibitishia hilo kwa kuwahubiria. Ninashukuru kwa habari yote ambayo Yehova anatupatia, hasa inapogusa sana mioyo yetu kama video hiyo.”

Juan Carlos anasema: “Kwa kweli video hiyo inakuchochea kufikiri. Nikiwa kijana, nimefanya makosa fulani kama ya wale waigizaji katika drama hiyo. Miaka kadhaa iliyopita, niliishi maisha maradufu, lakini nikatambua kwamba maisha ya aina hiyo yanaweza kuwa na matokeo mabaya. Baada ya kuitazama video hiyo, nimeazimia kuwa mwaminifu kwa Yehova.”

Sulem anakiri: “Nilichochewa sana baada ya kutazama video hiyo. Mwanzoni nilikuwa nimeacha kusoma Biblia, na mara nyingi sikusali kwa Yehova. Niliposikia maelezo ya vijana katika video hiyo, nilichochewa kuanza kusoma Biblia tena na kusali kwa Yehova.”

Vijana wengi leo wanakabili matatizo mengi, na mara nyingi marafiki wanaochagua wanaweza kuathiri maisha yao. (Zaburi 26:4; Mithali 13:20) Video Young People Ask—How Can I Make Real Friends? inawasaidia wengi kufanya maamuzi mazuri kuhusiana na jambo hilo.

[Maelezo ya Chini]