Maoni ya Mungu Kuwahusu Wafu

IFO cha mpendwa huhuzunisha sana. Mtu hupatwa na upweke usioweza kuwazika. Kufiwa na mpendwa kunaweza kumfanya mtu ahisi hoi, kwa kuwa hata awe na mali, nguvu, au uvutano, hakuna yeyote duniani anayeweza kumrudishia uhai mtu aliyekufa.

Hata hivyo, Muumba wetu ana maoni tofauti. Kwa kuwa alimwumba mtu wa kwanza kutoka katika mavumbi ya ardhi, anaweza pia kumwumba upya mtu aliyekufa. Kwa sababu hiyo, Mungu anaweza kuwaona wafu kana kwamba wako hai. Kuhusu watumishi waaminifu wa zamani ambao wamekufa, Yesu alisema kwamba “wao wote wako hai” kulingana na maoni ya Mungu.—Luka 20:38.

Yesu alipokuwa duniani, alipewa uwezo wa kuwafufua wafu. (Yohana 5:21) Kwa hiyo ana maoni kama ya Baba yake kuhusu wale ambao wamekufa wakiwa waaminifu. Kwa mfano, rafiki yake Lazaro alipokufa, Yesu aliwaambia wanafunzi wake hivi: “Ninafunga safari . . . ili kumwamsha kutoka usingizini.” (Yohana 11:11) Kwa maoni ya wanadamu, Lazaro alikuwa amekufa, lakini kwa maoni ya Yehova na Yesu, Lazaro alikuwa usingizini.

Chini ya Utawala wa Ufalme wa Yesu, kutakuwa “na ufufuo wa waadilifu na wasio waadilifu.” (Matendo 24:15) Mwishowe, wale watakaofufuliwa watapokea elimu ya kimungu nao watakuwa na tumaini la kuishi milele duniani.—Yohana 5:28, 29.

Naam, kifo cha mpendwa kinaweza kusababisha huzuni na sikitiko kubwa ambalo huenda likachukua miaka mingi. Hata hivyo, kuwaona wafu kama Mungu anavyowaona kunaweza kutufariji sana na kutupatia tumaini.—2 Wakorintho 1:3, 4.