Matatizo Yanayoleta Tumaini
Matatizo Yanayoleta Tumaini
“Katika siku za mwisho kutakuwa na nyakati za hatari zilizo ngumu kushughulika nazo.”—2 TIMOTHEO 3:1.
JE, UMEWAHI kusikia au kuona mojawapo ya mambo yenye kuhuzunisha yanayofuata?
● Ugonjwa mbaya waua watu wengi.
● Njaa yaua mamia ya watu.
● Tetemeko la nchi laua maelfu ya watu na kuwaacha wengine wengi bila makao.
Katika kurasa zinazofuata, utasoma mambo yatakayofanya ufikirie kwa uzito hali katika ulimwengu leo. Pia utaona kuwa Biblia ilitabiri kwamba hali hizo zingetokea katika kipindi cha wakati kinachoitwa “siku za mwisho.” *
Hata hivyo, kusudi la makala hizi si kukusadikisha kwamba tunaishi katika ulimwengu wenye matatizo mengi. Yaelekea wewe mwenyewe umeyaona. Badala yake, zimekusudiwa kukupa tumaini. Zitaonyesha kwamba kutimia kwa unabii huo unaohusu mambo sita kunaonyesha kuwa “siku za mwisho” zitafikia kikomo hivi karibuni. Makala hizi pia zitazungumzia vipingamizi fulani ambavyo watu hutoa mara nyingi kuhusu siku za mwisho, na zitatoa sababu nzuri za kuthibitisha kwamba hali zitakuwa bora hivi karibuni.
[Maelezo ya Chini]
^ fu. 7 Ili kujua ni kwa nini Mungu anaruhusu hali hizi mbaya ziwepo, ona makala “Kwa Nini Mungu Anaruhusu Uovu na Kuteseka?” kwenye ukurasa wa 16 na 17 wa toleo hili.