Majibu ya Maswali ya Biblia
Je, wafu wana tumaini lolote?
Kifo ni kama usingizi katika maana ya kwamba wafu hawajui wala hawawezi kufanya lolote. Hata hivyo, Muumba wa uhai anaweza kuwarudishia wafu uhai kwa kuwafufua. Ili kuthibitisha hilo, Mungu alimpa Yesu nguvu na uwezo wa kuwafufua watu kadhaa.
Kwa nini kifo kinalinganishwa na usingizi?
Mungu ameahidi kwamba wafu walio katika kumbukumbu lake watafufuliwa ili waishi katika ulimwengu mpya wenye uadilifu. Kwa sasa, wale ambao watafufuliwa bado watabaki wakiwa wafu hadi Mungu atakapowarudishia uhai. Mungu Mweza Yote anatamani kutumia nguvu zake kuwarudishia wafu uhai.
Hali itakuwaje wakati wa ufufuo?
Watu watakaofufuliwa na Mungu hawatapoteza utambulisho wao. Pia, watawatambua marafiki, na familia zao. Ingawa mwili wa mtu huoza, Mungu anaweza kumfufua mtu huyo akiwa na mwili mpya.
Watu wachache watafufuliwa ili wakaishi mbinguni. (Ufunuo 20:6) Walio wengi watafufuliwa na kuishi kwenye dunia paradiso. Watakuwa na mwanzo mpya wakiwa na tarajio la kuishi milele.
Huenda Ukapenda Pia
MAJIBU YA MASWALI YA BIBLIA
Ufufuo Ni Nini?
Huenda ukashangaa kujua ni nani watakaofufuliwa wakati ujao.
MAJIBU YA MASWALI YA BIBLIA
Ni Nani Wanaoenda Mbinguni?
Ni kawaida kwa watu kuwa na maoni yasiyo sahihi kwamba watu wote wema huenda mbinguni. Biblia inafundisha nini hasa?
