Kuna viziwi milioni 70 hivi ulimwenguni pote, wengi wao hutumia moja ya zaidi ya lugha 200 za ishara ili kuwasiliana. Kwa kusikitisha, mara nyingi viziwi hutendewa isivyo haki na watu wengi kama ripoti zifuatazo zinavyoonyesha:

•   “Ulimwenguni pote, haki za viziwi na za watu wenye matatizo ya kusikia zinapuuzwa.”​—Shirika la Kitaifa la Viziwi (Marekani).

•   “Viziwi katika nchi zinazoendelea ndio watu maskini zaidi, na ni vigumu kwao kupata elimu wanayohitaji, ajira, na hata habari.”​—Shirikisho la Viziwi Ulimwenguni.

 Mungu anahisije kuhusu viziwi? Biblia inasema nini kuwahusu? Mashahidi wa Yehova wanafanya nini leo ili kuwasaidia?

Mungu Anawaonaje Viziwi?

 Biblia inafunua kwamba Yehova a Mungu anawajali viziwi. Anataka watendewe kwa haki na pia wanufaike na elimu anayotoa.

 Andiko: “Usimtukane kiziwi.”​—Mambo ya Walawi 19:14.

 Andiko: “Mungu hana ubaguzi.”​—Matendo 10:34.

 Andiko: “Yesu akaondoka ili kutembelea majiji na vijiji vyote, . . .  na kuhubiri habari njema ya Ufalme.”​—Mathayo 9:35.

 Andiko: Yesu hata alifanya “viziwi wasikie na wasio na uwezo wa kusema, wazungumze.”​—Marko 7:37.

 Andiko: “Masikio ya viziwi yatazibuliwa.”​—Isaya 35:5.

 Maana: Yehova alitabiri kwamba viziwi watasikia.​—Isaya 29:18.

Jinsi Mashahidi wa Yehova Wanavyowasaidia Viziwi Leo

 Mashahidi wa Yehova huwahubiria viziwi ulimwenguni pote kuhusu ujumbe wa Mungu unaotupa tumaini. Tunafanya nini ili kutimiza kazi hiyo? Tunatokeza Biblia na video za kufundishia Biblia katika zaidi ya lugha 100 za ishara. Pia, tunafundisha Biblia na kuongoza mikutano ya Kikristo katika lugha ya ishara. Tunatoa huduma hizo zote bila malipo kwa ajili ya yeyote anayetaka msaada wa Mungu. Kwa nini? Kwa sababu Yesu alisema: “Mlipokea bure, toeni bure.”​—Mathayo 10:8.

 Unaweza kufungua habari hizi kwenye mtandao au kuzipakua kwenye kifaa chako kupitia:

 JW.ORG. Bofya alama ya kubadili lugha iliyo juu kushoto ukiwa katika tovuti hii ili kupata habari katika lugha fulani ya ishara.

 Programu ya JW Library Sign Language. Sakinisha hii programu bila malipo kwenye kifaa chako, nawe utaweza kupakua au kutazama video katika lugha ya ishara.

Ni Habari za Aina Gani Tunazoandaa Ili Kuelimisha watu?

 Biblia ya lugha ya ishara. Biblia Takatifu—Tafsiri ya Ulimwengu Mpya katika Lugha ya Ishara ya Marekani ndiyo Biblia ya kwanza kamili ya lugha ishara duniani. Tafsiri ya Ulimwengu Mpya sasa inapatikana ikiwa nzima au kwa sehemu katika lugha nyingi za ishara, na zinaendelea kuongezeka kila mwaka. (Ili kuona orodha ya lugha au kusoma Biblia kupitia video zinazopatikana mtandaoni, ona sanduku “ Tafsiri ya Ulimwengu Mpya ya Biblia katika Lugha ya Ishara.”)

•   Tazama video yenye kichwa Biblia Tafsiri ya Ulimwengu Mpya Inapatikana Katika Lugha ya Ishara ya Marekani inayohusu kazi inayofanywa ili kutokeza Biblia katika lugha ya ishara.

•   Ili kufurahia zaidi usomaji wako wa Biblia, sakinisha programu ya JW Library Sign Language. Programu hiyo inakuruhusu kuteua mistari hususa katika Biblia ya lugha ya ishara.

•   Dmytro na Vita ni wazazi walio viziwi, na watoto wao wana uwezo wa kusikia. Ona jinsi familia yao ilivyonufaika kwa kusoma Biblia kila siku kupitia video za lugha ya ishara.

 Video zinazofundisha Biblia. Mashahidi wa Yehova wametokeza video za lugha ya ishara zinazowasaidia watu waelewe Biblia na waweze kutumia ushauri uliomo wakiwa . . .

•   Wenzi wa ndoa na familia

•   Matineja na vijana

•   Watoto

 Masomo ya kujifunzia Biblia nje ya darasa. Unaweza kufundishwa ujumbe unaopatikana katika Biblia kwa kutumia lugha ya ishara na mwalimu wako binafsi bila malipo. Chunguza jinsi masomo haya yanavyoendeshwa.

 Jeson Senajonon anaishi nchini Filipino. Ona jinsi masomo haya ya kujifunzia Biblia yalivyomsaidia kusitawisha urafiki wa karibu na Mungu.

 Mario Antúnez alikuwa kasisi nchini Honduras. Ona jinsi alivyopata majibu ya maswali yake ya Biblia, kama alivyoeleza katika simulizi la maisha yake lenye kichwa “Nilikuwa na Maswali Mengi Kuliko Majibu.”

 Mikutano na matukio mengine. Tuna makutaniko na pia vikundi vya lugha ya ishara duniani pote ambapo viziwi hukutanika ili kujifunza na kumtolea Mungu ibada kila juma. Hata, kuna matukio makubwa zaidi ya kujifunza Biblia yanayofanywa kila mwaka katika lugha ya ishara. Katika mikutano yetu na matukio mengine, kuna watu wanaofanya ishara kwenye mikononi ya watu ambao ni viziwi na vipofu. Pia tunatokeza machapisho katika maandishi ya vipofu bila malipo.

•   Pata kutaniko lililo karibu nawe.

•   Pata kujua kuhusu makusanyiko yetu yanayofanywa kila mwaka.

•   Hudhuria Ukumbusho wa kifo cha Yesu, tukio muhimu zaidi katika mwaka.

 José Luis Ayala anaishi Mexico. Alizaliwa akiwa kiziwi kisha akawa kipofu. Soma jinsi alivyosaidiwa hadi akawa mwalimu mzuri wa Biblia.