ENDELEA KUKESHA!
Kwa Nini Siasa Inasababisha Migawanyiko?—Biblia Inasema Nini?
Ulimwenguni pote watu wamegawanyika kwa sababu wana maoni tofauti ya kisiasa. Kulingana na utafiti uliofanywa mwaka wa 2022 na shirika la Pew Research Center, “Asilimia 65 ya watu wazima katika nchi 19 walisema kwamba nchini mwao watu wanaounga mkono vyama tofauti vya kisiasa hawakubaliani au hata hawaelewani kabisa.”
Mahali unapoishi, je, watu wamekuwa na migawanyiko mingi zaidi kwa sababu ya siasa? Kwa nini inakuwa hivyo? Je, kuna suluhisho? Biblia inasema nini kuhusu jambo hilo?
Mitazamo inayosababisha migawanyiko
Biblia ilitabiri kwamba katika siku zetu, yaani, “siku za mwisho,” watu wengi wangekuwa na mitazamo ambayo ingefanya iwe vigumu sana kuwa na umoja.
“Katika siku za mwisho kutakuwa na nyakati za hatari zilizo ngumu kushughulika nazo. Kwa maana watu watakuwa wenye kujipenda wenyewe, . . . wasiotaka makubaliano yoyote.”—2 Timotheo 3:1-3.
Licha ya jitihada ambazo watu wengi wanafanya, bado serikali zinashindwa kutimiza majukumu yake kikamili. Inakuwa vigumu kwa watu wenye maoni yanayotofautiana kushirikiana ili kutatua matatizo. Hilo linathibitisha ukweli wa jambo ambalo Biblia ilitaja miaka mingi iliyopita.
“Mwanadamu amemtawala mwanadamu mwenzake kwa kumuumiza.”—Mhubiri 8:9.
Hata hivyo, Biblia inataja suluhisho—serikali inayoongozwa na mtu ambaye ana uwezo wa kuondoa matatizo yanayowasumbua wanadamu leo.
Kiongozi anayejali na mwenye uwezo
Biblia inamzungumzia kiongozi mwenye uwezo wa pekee: Yesu Kristo. Yesu ana nguvu, mamlaka, na anatamani kuleta umoja na amani kwa wanadamu wote.
“Katika siku zake mwadilifu atasitawi, na amani itakuwa nyingi.”—Zaburi 72:7.
“Mataifa yote yatamtumikia.”—Zaburi 72:11.
Yesu ni kiongozi bora kwa sababu anawajali watu na anataka kuwasaidia, hasa wale ambao wametendewa kwa njia isiyo ya haki.
“Atamwokoa maskini anayelilia msaada, pia mtu wa hali ya chini na yeyote ambaye hana msaidizi. Atamhurumia mtu wa hali ya chini na maskini, naye ataokoa uhai wa maskini. Atawaokoa kutoka katika ukandamizaji na ukatili.”—Zaburi 72:12-14.
Jifunze mengi zaidi kuhusu Ufalme wa Mungu, serikali iliyo mbinguni ambayo kiongozi wake ni Yesu. Pata kujua jinsi unavyoweza kunufaika kutokana nayo na jinsi unavyoweza kuiunga mkono.
Tazama video yenye kichwa Ufalme wa Mungu Ni Nini?
Soma makala yenye kichwa “Ufalme wa Mungu—Serikali Isiyo na Ufisadi.”
Huenda Ukapenda Pia
MAJIBU YA MASWALI YA BIBLIA
Je, Biblia Ilitabiri Mitazamo na Matendo ya Watu Leo?
Biblia ilitabiri kwamba watu wangezidi kuwa wabaya.
MAJIBU YA MASWALI YA BIBLIA
Ni Nini Ishara ya “Siku za Mwisho”?
Biblia ilitabiri mambo mengi ambayo yangetukia wakati uleule na kuwasaidia watu kutambua siku za mwisho.
HABARI ZAIDI
Je, Ufisadi Serikalini Utakwisha?
Soma sababu tatu zitakazoimarisha uhakika wako katika serikali hii ya pekee ambayo haitawahi kamwe kuwa na ufisadi.
MAFUNDISHO MUHIMU YA BIBLIA
Ufalme wa Mungu Ulianza Kutawala 1914
Zaidi ya miaka 2,500 iliyopita, kupitia roho ya Mungu mfalme mwenye nguvu alipata ndoto ya kinabii inayotimia sasa.
MNARA WA MLINZI
Mfalme wa Ufalme wa Mungu Ni Nani?
Baadhi ya waandikaji wa Biblia waliandika habari zinazomtambulisha yule atakayekuwa Mfalme wa Ufalme wa Mungu. Katika historia ya wanadamu ni mtu mmoja tu aliyetimiza kikamili mambo waliyoandika.
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.
