ENDELEA KUKESHA!
Mafuriko Yanayosababisha Madhara—Biblia Inasema Nini?
Ulimwenguni pote, watu wengi wanakabili mafuriko yanayosababisha madhara. Zifuatazo ni baadhi ya ripoti:
“Katika siku chache zilizopita, mji mkuu wa China umekumbwa na mvua kubwa zaidi kumwagika katika miaka 140 iliyopita, baada ya kupata . . . milimita 744.8 za mvua kuanzia Jumamosi hadi Jumatano.”—AP News, Agosti 2, 2023.
“Alhamisi ilikuwa siku ya pili ambayo Kimbunga Khanun kilitokeza mvua kubwa na upepo wenye nguvu kusini mwa Japani na kusababisha vifo vya watu wawili. . . . Dhoruba hiyo inatarajiwa kutokeza mita 0.6 za mvua katika eneo la milimani la Taiwan.”—Shirika la Habari la Deutsche Welle, Agosti 3, 2023.
“Mafuriko ya mwisho-juma [kule Nova Scotia] yalisababishwa na mvua kubwa zaidi kulikumba eneo la Atlantiki la Kanada kwa miaka 50 iliyopita.”—Shirika la Habari la BBC, Julai 24, 2023.
Biblia inasema nini kuhusu matukio kama hayo?
Ishara ya “siku za mwisho”
Biblia inafunua kwamba tunaishi katika kipindi cha wakati kinachoitwa “siku za mwisho.” (2 Timotheo 3:1) Yesu alitabiri kwamba katika wakati wetu, tungejionea “mambo yenye kuogopesha,” au matukio yenye kutisha. (Luka 21:11) Mabadiliko ya hali ya hewa yamechangia kutokea kwa matukio yenye kutisha ya hali ya hewa ambayo hayawezi kutabiriwa, yanayotokea mara nyingi zaidi, na ambayo ni makubwa isivyo kawaida.
Sababu ya kuwa na tumaini
Biblia inatuambia kwamba mambo mengi yenye kuogopesha yanayotokea duniani leo yanatupatia sababu ya kuwa na tumaini. Kwa nini? Yesu alisema hivi: “Mtakapoona mambo hayo yakitukia, jueni kwamba Ufalme wa Mungu umekaribia.”—Luka 21:31; Mathayo 24:3.
Matukio tunayojionea yanaashiria kwamba hivi karibuni Ufalme wa Mungu utadhibiti kikamili nguvu za asili za dunia, kutia ndani mzunguko wa maji.—Ayubu 36:27, 28; Zaburi 107:29.
Ili ujifunze mengi kuhusu Ufalme wa Mungu utakavyorekebisha dunia, ona makala yenye kichwa “Ni Nani Atakayeiokoa Dunia?”
Huenda Ukapenda Pia
HABARI ZAIDI
Je, Biblia Inaweza Kukusaidia Kukabiliana na Mabadiliko Makubwa ya Hali ya Hewa?
Ushauri wa Biblia unaweza kukusaidia kabla ya mabadiliko makubwa ya hali ya hewa kutokea, yanapotokea, na baada ya kutokea.
MAJIBU YA MASWALI YA BIBLIA
Ni Nini Ishara ya “Siku za Mwisho”?
Biblia ilitabiri mambo mengi ambayo yangetukia wakati uleule na kuwasaidia watu kutambua siku za mwisho.
HABARI ZAIDI
Biblia Inasema Nini Kuhusu Mabadiliko ya Hali ya Hewa na Wakati Wetu Ujao?
Je, Muumba anajali kuhusu sayari yetu na wale wanaoishi ndani yake?
MAFUNDISHO MUHIMU YA BIBLIA
Je, Misiba ya Asili Ni Matendo ya Mungu?
Watu wawili walioathiriwa na misiba ya asili wanaeleza mambo waliyojifunza kutoka katika Biblia.
HABARI ZAIDI
Tumaini Bora la Wakati Ujao
Kwa nini ahadi zinazopatikana katika Biblia ni tofauti na ahadi na utabiri unaotolewa na wanadamu?
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.
