•   “Karibu nusu ya watu wazima nchini Marekani wanakabiliana na upweke, na idadi kubwa zaidi ni vijana wa kati ya miaka 18 na 25.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[Shirika la Afya Ulimwenguni] limetangaza kuanzishwa kwa Tume ya Mahusiano ya Kijamii, itakayoshughulikia tatizo la upweke kama tatizo hatari kwa afya, na itajaribu kufanya mahusiano ya kijamii yapewe kipaumbele na kujaribu kutafuta njia za kupambana na upweke katika nchi zote ulimwenguni, hata katika nchi maskini.”​—Shirika la Afya Ulimwenguni, Novemba 15, 2023.

 Biblia inatupatia ushauri unaofaa utakaotusaidia kusitawisha uhusiano mzuri na wengine ili tusiwe wapweke.

 Punguza utendaji unaokufanya ujitenge na wengine. Utendaji huo unatia ndani kutumia mitandao ya kijamii kupita kiasi. Badala yake, tafuta nafasi za kuzungumza uso kwa uso na watu na kuanzisha urafiki wa kweli.

•   Kanuni ya Biblia: “Rafiki wa kweli hupenda nyakati zote naye ni ndugu ambaye amezaliwa kwa ajili ya nyakati za taabu.”​—Methali 17:17.

 Tafuta nafasi za kuwasaidia wengine. Kuwafanyia wengine matendo ya fadhili huimarisha uhusiano kati yetu nao, na pia hutufanya tujihisi vizuri kihisia.

•   Kanuni ya Biblia: “Kuna furaha zaidi katika kutoa kuliko ilivyo katika kupokea.”​—Matendo 20:35.

 Tembelea tovuti yetu ili upate habari nyingi zaidi kutoka kwenye Biblia zinazohusiana na jinsi ya kuanzisha urafiki mzuri.