Ni zawadi gani bora zaidi unayoweza kuwapa watoto wako? Watoto wanahitaji mambo mengi, kutia ndani upendo, mwongozo, na ulinzi. Hata hivyo, zawadi bora zaidi unayoweza kuwapa ni kuwafundisha kumhusu Yehova na kweli za Neno lake, Biblia. (Yohana 17:3) Ujuzi huo unaweza kuwasaidia watoto wako wampende Yehova na kumtumikia kwa moyo wote hata wakiwa na umri mdogo.—Mathayo 21:16.

Wazazi wengi wamegundua kwamba watoto wadogo hufurahia zaidi masomo na mazoezi mafupi-mafupi ya Biblia. Kwa hiyo, tunafurahi kutoa broshua hii, Masomo Yangu ya Biblia. Kila somo limetayarishwa ili kuwafundisha kwa njia rahisi. Maandishi na picha zilizomo zimetayarishwa hasa kwa ajili ya watoto wenye umri wa chini ya miaka mitatu. Pia, kuna madokezo ya mazoezi mbalimbali mnayoweza kufanya. Masomo Yangu ya Biblia ni kifaa cha kufundishia wala si kitu cha kuchezea. Broshua hii imekusudiwa uisome pamoja na watoto wako, na hivyo kukupa nafasi ya kuzungumza nao.

Tuna hakika kwamba broshua hii itawasaidia mnapofundisha watoto wenu kweli za Biblia “tangu utoto mchanga.”—2 Timotheo 3:14, 15.

Ndugu zenu,

Baraza Linaloongoza la Mashahidi wa Yehova