Jalada ya Ndani

Msomaji Mpendwa:

Mfalme Sulemani mwenye hekima aliandika: “Ewe kijana, shangilia katika ujana wako, na moyo wako ukufanyie mema siku za ujana wako, nawe utembee katika njia za moyo wako na katika mambo ambayo macho yako yameona.” (Mhubiri 11:9) Ukiwa kijana, maisha yanaweza kuwa yenye kusisimua na kupendeza, nasi tungependa vijana wafurahie ujana wao. Hata hivyo, tunakutia moyo ufurahie ujana wako katika njia inayompendeza Yehova Mungu. Usisahau kamwe kwamba anaona unavyoishi maisha yako naye atakuhukumu kulingana na matendo yako. Hivyo basi, lingekuwa jambo la hekima kama nini kutii shauri linalofuata la Sulemani: “Mkumbuke, sasa, Muumba wako Mkuu katika siku za ujana wako.”—Mhubiri 12:1.

Tunasali kwa bidii kwamba habari iliyo katika kitabu hiki itakusaidia kushinda mikazo na vishawishi vinavyowakabili vijana leo na kitakuonyesha jinsi unavyoweza kufanya maamuzi yanayopatana na mapenzi ya Mungu. Ukifanya hivyo, utaufanya moyo wa Yehova ushangilie.—Methali 27:11.

Baraza Linaloongoza la Mashahidi wa Yehova