Mfano wa Kuigwa—Wale Waebrania Watatu

Hanania, Mishaeli, na Azaria wamesimama katika nchi tambarare ya Dura, karibu na Babiloni. Watu wote wanaowazunguka wanasujudia sanamu kubwa iliyo mbele yao. Ijapokuwa kuna mkazo mwingi kutoka kwa wenzao na vitisho kutoka kwa mfalme, vijana hao wanasimama imara. Kwa uthabiti, lakini kwa heshima wanamwambia Nebukadneza kwamba hawatabadili uamuzi wao wa kumtumikia Yehova.—Danieli 1:6; 3:17, 18.

Watatu hao walikuwa wangali vijana walipopelekwa uhamishoni Babiloni. Uaminifu wao wakiwa wangali vijana—kwa kukataa kula vyakula vilivyokuwa vimekatazwa katika Sheria ya Mungu—uliwatayarisha kukabili hali ngumu baadaye maishani mwao. (Danieli 1:6-20) Walikuwa wamejionea kwamba kumtii Yehova ndilo jambo la hekima maishani. Je, wewe pia umeazimia kushikamana na viwango vya Mungu hata ukabili mkazo kutoka kwa vijana wenzako? Ukijifunza kumtii Yehova ukiwa ungali kijana katika mambo ambayo huenda yakaonekana kuwa madogo, utakuwa tayari kuendelea kuwa mwaminifu ukikumbwa na hali ngumu zaidi baadaye maishani.—Methali 3:5, 6; Luka 16:10.