SEHEMU YA 5
Utumwa Babeli Mpaka Kujengwa Upya Kuta za Yerusalemu
Wakiwa utumwani Babeli, imani ya Waisraeli ilijaribiwa sana. Shadraka, Meshaki na Abedʹne·go walitupwa katika tanuru (jiko) ya moto mkali, lakini Mungu akawaokoa. Baadaye, Babeli ukiisha kushindwa na Wamedi na Waajemi, Danieli alitupwa katika shimo la simba, lakini Mungu alimlinda pia kwa kuvifunga vinywa vya simba.
Mwishowe, Koreshi mfalme wa Ajemi akawakomboa Waisraeli. Walirudi kwao ilipotimia miaka 70 baada ya kupelekwa Babeli kama mateka. Jambo la kwanza walilofanya waliporudi Yerusalemu ni kujenga hekalu la Yehova. Lakini, upesi adui wakazuia kazi yao. Hivyo walimaliza kujenga hekalu kwa muda wa karibu miaka 22 baada ya kurudi Yerusalemu.
Halafu, tunajifunza habari ya safari ya Ezra akirudi Yerusalemu akalipambe hekalu. Hiyo ilikuwa miaka 47 baada ya kumaliza kujenga hekalu. Kisha, miaka 13 baada ya safari ya Ezra, Nehemia alisaidia kujenga upya kuta za Yerusalemu zilizobomoka. Sehemu ya 5 inazungumza historia ya miaka 152 kufikia wakati huo.
KATIKA SEHEMU HII
HADITHI YA 77
Walikataa Kuabudu
Je, Mungu atawaokoa vijana hawa watatu waliomtii kutoka katika tanuru ya moto?
HADITHI YA 79
Danieli Katika Shimo la Simba
Danieli alihukumiwa adhabu ya kifo, lakini je, angeweza kuiepuka?
HADITHI YA 80
Watu wa Mungu Wanatoka Babeli
Mfalme Koreshi wa Uajemi alitimiza unabii mmoja alipoteka Babiloni, na sasa anatimiza unabii mwingine.
HADITHI YA 81
Kuutumainia Msaada wa Mungu
Waisraeli wavunja amri za wanadamu ili kumtii Mungu. Je Mungu atawabariki?
HADITHI YA 82
Mordekai na Esta
Malkia Vashti alikuwa mrembo, lakini Mfalme Ahasuero alimchagua Esta kama malkia wake mpya. Kwa nini?
HADITHI YA 83
Kuta za Yerusalemu
Wakijenga upya kuta, wafanya-kazi walipaswa kuweka panga na mikuki yao tayari usiku na mchana.
