Matembezi ya Betheli
Tunakualika kwa uchangamfu utembelee ofisi zetu za tawi, tunazoziita Betheli. Baadhi ya ofisi zetu zina maonyesho utakayotembelea ukiwa peke yako.
Kurejea kwa Matembezi ya Ofisi: Katika nchi nyingi, tutaanza tena kuruhusu matembezi katika ofisi zetu za tawi kuanzia Juni 1, 2023. Ili kupata habari zaidi, wasiliana na ofisi ya tawi unayopenda kuitembelea. Tafadhali usitembelee ofisi ya tawi ikiwa una ugonjwa wa Virusi vya Corona (COVID-19), una dalili za homa au mafua, au hivi karibuni ulishirikiana na mtu aliye na ugonjwa wa COVID-19.
Marekani
Kwenye ukurasa huu
Habari Kuhusu Matembezi
Mambo yenye kupendeza
Maonyesho utakayotembelea ukiwa peke yako Warwick
Biblia na Jina la Mungu. Sehemu hii ya maonyesho ina Biblia ambazo si rahisi kuzipata na inaonyesha jinsi jina la Mungu lilivyohifadhiwa katika Maandiko licha ya jitihada za kuliondoa. Maonyesho haya yanatia ndani pia picha zinazozunguka zinazoonyesha Biblia nyingine ambazo si rahisi kuzipata pamoja na vitu vya kale vilivyohifadhiwa vinavyohusiana na Biblia.
Watu kwa Ajili ya Jina la Yehova. Katika sehemu hii ya maonyesho utaona historia ya urithi wa kiroho wa Mashahidi wa Yehova. Vitu vya kale vilivyohifadhiwa, michoro, na masimulizi yanayoonyesha jinsi Yehova alivyowaongoza, alivyowafundisha na kuwapanga watu wake ili wafanye mapenzi yake.
Makao Makuu—Imani Yenye Matendo. Sehemu hii ya maonyesho inaelezea kazi za halmashauri za Baraza Linaloongoza na jinsi zinavyowasaidia Mashahidi wa Yehova kufuata mwongozo wa Maandiko kuhusu kukusanyika pamoja, kufanya wanafunzi, kupata chakula cha kiroho na kuwapenda wengine.
Kituo cha Maonyesho cha Patterson
Kijiji cha Biblia Katika Karne ya Kwanza. Je, umewahi kujiuliza maisha yalikuwaje Yesu alipokuwa hapa duniani? Katika kijiji cha Biblia, utajionea na hata kushiriki katika utendaji wa kila siku wa kijijini katika karne ya kwanza. Maonyesho haya yanaweza kukusaidia kuthamini hata zaidi usomaji wako wa Biblia.
Maonyesho ya Sarafu za Biblia za Karne ya Kwanza. Maonyesho haya yanaonyesha baadhi ya sarafu zilizotumiwa katika karne ya kwanza zinazotajwa katika Maandiko ya Kigiriki ya Kikristo. Yanazungumzia pia habari zenye kuvutia kuhusu kila sarafu na kueleza jinsi zinavyohusiana na masimulizi ya Biblia.
“Wana Wako Wote Watafundishwa na Yehova.” Sehemu hii inaonyesha historia ya programu za mazoezi na shule za tengenezo. Jifunze jinsi shule hizi zilivyowasaidia wajitoleaji walio tayari kuwa walimu bora na wazee wa makutaniko.
“Kutetea na Kuthibitisha Kisheria Habari Njema.” Sehemu hii inaonyesha historia ya Mashahidi wa Yehova ambao walishikamana na imani yao, hata walipokabili upinzani mkali. Utaona kile ambacho tengenezo letu limefanya kwa kuanzisha mashirika ya kisheria kwa ajili ya kutetea kazi yetu ya kuhubiri ulimwenguni pote.
Anwani na Namba ya Simu
Huenda Ukapenda Pia
MAISHA YA BETHELI
Tunakualika Utembelee Betheli ya Marekani
Matembezi yanatia ndani Makao Makuu ya Ulimwenguni Pote ya Mashahidi wa Yehova na ofisi ya tawi ya Marekani
