Wakiwa na kibali kutoka kwenye mamlaka za eneo hilo, wafanyakazi walikata miti kwa ajili ya kuanza ujenzi. Walijitahidi kufanya hivyo kwa bidii ili wamalize mapema kabla kipindi cha ndege kutengeneza viota na kutaga mayai kuanza. Mabaki ya mbao yanatumika kutengenezea njia salama za wanaotembea kwa miguu, na mbao zinahifadhiwa kwa ajili ya kutumiwa katika ujenzi.

Fundi wa umeme akiweka soketi kwa ajili ya skrini za video kwenye jengo lililokuwa hoteli zamani. Sasa jengo hilo litatumiwa kupikia na kulia chakula. Skrini hizo zitatumiwa kutazama programu za kiroho kama vile ibada ya asubuhi na Funzo la Mnara wa Mlinzi la familia ya Betheli.

Wafanyakazi wakizungushia ua eneo kubwa la ujenzi. Kwa kuwa eneo liko nje ya mji, hatua zinachukuliwa ili kuhakikisha kwamba ujenzi huo hauathiri sana wanyama wanaoishi eneo hilo. Kwa mfano, upande wa chini ya ua, nafasi yenye urefu wa sentimeta 20 imeachwa kuruhusu melesi wanaotafuta chakula usiku kuendelea na shughuli zao.

Wafanyakazi wakijenga barabara ya muda inayounganisha eneo la makazi ya muda na eneo maalumu la ujenzi.

Mwonekano wa barabara ya muda iliyokamilika, kutoka upande wa mashariki. Kama inavyoonekana upande wa juu kulia, barabara hiyo inatoka kwenye makazi ya muda hadi kwenye eneo maalumu la ujenzi. Majengo yanayoonekana upande wa chini kushoto sasa yanatumika kama nyumba za wajenzi. Mjengo ya makazi ya muda yatawekwa kwenye maeneo yaliyo karibu na majengo hayo.

Mshiriki wa Baraza Linaloongoza la Mashahidi wa Yehova na mwakilishi mwingine wa makao makuu walikitembelea kikosi cha ujenzi. Baadaye katika juma hilo, mkutano wa pekee ulifanywa na Majumba yote ya Ufalme nchini Uingereza na Ireland yaliunganishwa kupitia intaneti kwa ajili ya programu hiyo. Ikatangazwa kuwa katika jioni iliyotangulia, Halmashauri ya Jiji la Chelmsford ilitoa kibali cha awali cha kuendelea na ujenzi.

Wafanya kazi wakiweka vifaa vya kuilinda mizizi katikati ya mialoni miwili. Njia hii inaunganisha eneo maalumu la makazi ya muda na eneo maalumu la ujenzi, hivyo vifaa hivyo vinaweza kusaidia kulinda mizizi isiharibiwe vyombo vizito vinapopita.

Wafanyakazi wakichimba mitaro kwa ajili ya kupitisha mabomba na nyaya za makazi ya muda. Nyuma kuna majengo 50 yaliyokamilika watakayokuwa wakiishi wafanyakazi katika kipindi cha ujenzi.

Fundi wa mabomba akiweka mabomba ya maji kwenye majengo ya makazi ya muda.

Mwonekano wa nyumba za muda kutoka upande wa mashariki. Mbele ni maeneo yanayoandaliwa kwa ajili ya kuweka nyumba zaidi. Upande wa kushoto kuna majengo mengine yanayotia ndani chumba cha kulia chakula. Ofisi ya tawi itajengwa katika eneo linaloonekana katikati ya picha kwa nyuma.

Mtaalamu akiunganisha nyaya katika chumba cha vyombo vya mawasiliano. Mfumo wa kompyuta na Intaneti ilihitajika mapema katika mradi huo ili kushughulikia shughuli zote za ujenzi, kuwasiliana na ofisi za tawi nyingine, na kuwasiliana na makao makuu ya ulimwenguni pote.

Mwanakandarasi akipima maeneo yenye mashimo ya kufanyia uchunguzi kwa kutumia kifaa cha kupokea habari kutoka kwenye setilaiti (GPS). Mashimo hayo yanawasaidia wanaakiolojia kutathmini eneo kabla ya ujenzi kuanza. Ingawa Waroma waliishi eneo la karibu la Chelmsford, katika mashimo 107 yaliyochimbwa kwenye awamu ya kwanza ya tathmini hizo hakuna vitu vyenye thamani vya kale vilivyovumbuliwa.

Mfanyakazi akikata fremu ya mlango katika urefu unaofaa. Baadhi ya majengo katika eneo la kutegemeza ujenzi yalirekebishwa ili yawe karakana. Ofisi za muda na utendaji mwingine wa kutegemeza kazi utapatikana hapo.

Mfanya kazi akijaza udongo kwenye lori ili kujaza maeneo yaliyo na mashimo.

Mandhari kutoka upande wa kusini wa eneo la ujenzi lenye ekari 34 inayoonyesha mashamba ya jirani. Barabara kuu iliyo jirani (haijaonyeshwa) inafika kwenye bandari, viwanja vya ndege, na kwenye jiji la London.

Wanakandarasi wakibomoa majengo yaliyokuwapo kwenye eneo linalotarajiwa kujengwa ofisi ya tawi mpya.

Kreni yenye uwezo wa kubeba uzito wa tani 60 ikiweka sehemu ya chini ya kibanda kwenye mahali pake. Sehemu ya mbele ya picha, inaonyesha misingi kwa ajili ya kuweka vibanda vingine. Vibanda hivi ni kwa ajili ya ofisi za kuratibu mradi wa ujenzi.