Mwingilio wa jengo jipya la ofisi ukitayarishwa kwa ajili ya kutengeneza barabara ya wale wanaotembea. Sehemu ya chini upande wa kushoto wa barabara hiyo inapashwa joto ili kufanya sakafu isiteleze wakati wa baridi kali. Jengo hilo litakuwa kwa ajili ya Ofisi ya Betheli, Ofisi za Halmashauri ya Tawi, na Idara ya Utumishi.

Mfanyakazi akitumia mashine kufanya matayarisho kwenye sehemu inayotarajiwa kuwekwa sakafu. Mashine hiyo imeunganishwa na kifaa cha kufyonza vumbi.

Chumba kilichojengwa kwa muundo wa nusu duara kwa ajili ya mapokezi ya wageni na Wanabetheli zaidi ya 200 wanaoishi kwenye jengo la Makazi E. Ukarabati wa jengo hili ulitia ndani kuwekwa kwa madirisha yanayoingiza mwanga wa kutosha na mfumo mpya wa king’ora cha moto.

Fundi akiunganisha nyaya za vifaa vya mawasiliano kwenye jengo jipya la Mafunzo ya Ufundi. Jengo hili limejengwa kwa ajili ya kuwapatia ujuzi wafanyakazi katika mambo kama vile ufundi wa mabomba, kudumisha vifaa vya umeme, na usalama.

Fundi wa umeme akiweka taa za LED katika jengo jipya la Idara ya Mafunzo ya Ufundi.

Mfanyakazi akichunguza nafasi zilizopo kati ya mabomba ya kupitisha nyaya za umeme. Eneo hili limekarabatiwa kwa ajili ya idara mbalimbali za ofisi ya tawi zilizohamishiwa kutoka Brooklyn.

Fundi wa mabomba akichomelea mabomba ambayo yatatumiwa kusambaza maji ya moto kwenye makazi.

Wafanyakazi wakiweka vitu vya kuzuia maji yasiingie kwenye dirisha. Madirisha 298 yanayoingiza mwanga mwingi yamewekwa kwenye jengo hili. Madirisha haya yanapunguza gharama ya umeme katika kipindi cha kiangazi na masika.

Mafundi wakitumia mawe yaliyotumiwa kujenga majengo miaka ya 1970 kujenga upya ukuta wa maegesho, ulioko kati ya Jengo la Kwanza la Ofisi na Jengo la Makazi E.

Fundi akitayarisha ukuta kwa ajili ya kupaka rangi. Jengo hili lilikarabatiwa kwa ajili ya idara ya Hesabu, Kompyuta, na Ununuzi.

Fundi wa umeme akivuta waya kwenye paa ili kuunganisha na nyaya za kuzuia radi. Kwa kuwa nyaya hizo zimekusudiwa kuzuia radi, zinapeleka umeme ardhini kutoka kwenye radi ili kuzuia uharibifu wa majengo.

Wakati wa mradi wa kupanua eneo la Wallkill, mazingira ya eneo hilo yalitunzwa vizuri kutia ndani miti mingi kama inavyoonekana kwenye picha hii. Mnara wa maji ulioko upande wa kushoto, ambao una tangi lenye uwezo wa kuhifadhi maji lita 150,000, ni kifaa muhimu sana cha usambazaji wa maji, vifaa vya kuzima moto, na mfumo wa kuzima moto ulioko kwenye eneo la Wallkill.

Fundi seremala akiweka baadhi ya vipande 1,800 vya mbao kwa ajili ya ukuta wa nyuma. Vipande hivi vya mbao ambavyo vina ukubwa mbalimbali vinapunguza mwangwi.

Charles Reed amekuwa akitumikia Betheli tangu mwaka 1958. Ndugu Reed alisaidia kubuni ramani na kuweka zege kwenye kiwanda cha kuchapishia kilichokuwa Betheli ya Brooklyn ambacho kilikuwa kikichapa machapisho kwa ajili ya Marekani na nchi nyingine nyingi. Wakati wa mradi wa kupanua majengo ya Wallkill, Ndugu Reed alifanya kazi katika timu ya kupima ubora.

Wafanyakazi wakibeba viti vipya na kuvipeleka ukumbini. Ukumbi uliokarabatiwa unatosha kuwekwa viti kwa ajili ya watu 812.

Ukarabati wa ukumbi ulitia ndani kuwekwa kwa skrini za video na vifaa vya kufanya sauti isikike vizuri ukumbini.

Kituo cha wauguzi kikijengwa kwenye sehemu ya kuwatunzia wagonjwa iliyokarabatiwa. Ili kutoa huduma nzuri kwa wagonjwa, njia za kuingilia zilipanuliwa na bafu ziliongezwa ukubwa.

Picha ya majengo ya Wallkill, ambayo yanakadiriwa kuwa na vyumba vya kulala washiriki wa familia ya Betheli 2,000. Sehemu kubwa ya mradi wa upanuzi​—uliohusisha eneo la zaidi ya mita za mraba 102,000 ya majengo mapya au yaliyokarabatiwa​—ilikamilika kufikia Novemba 30, 2015.