Katika tabo ya Funzo la Kibinafsi, unaweza kuunda orodha ya video, rekodi za sauti, na picha. Kwa mfano, unaweza:

• Kuwa na kipengele chenye nyimbo za kitheokrasi unazopenda ambazo zinaweza kuchezwa kwa mfuatano

• Kukusanya video na picha utakazotumia katika huduma

• Kutayarisha orodha ya picha kwa ajili ya hotuba yako na kushiriki orodha hiyo pamoja na ndugu wanaosaidia katika mfumo wa sauti na video

 Unda Kipengele cha Zitakazochezwa

 Badili Habari Kwenye Kipengele

 Punguza Urefu wa Rekodi

 Shiriki Kipengele cha Zitakazochezwa

  Njia za Mkato za Kibodi

Unda Zitakazochezwa

1. Nenda kwenye Funzo la Kibinafsi > Zitakazochezwa

2. Bofya Ongeza Kwenye Zitakazochezwa yenye alama ya jumlisha

3. Chagua aidha Unda Zitakazochezwa au Pakia Zitakazochezwa

   • Unda Zitakazochezwa: Andika jina kwa ajili ya kipengele unachounda kisha bofya Unda

   • Pakia Zitakazochezwa: Chagua faili katika kifaa chako ambayo utaongezea kwenye kipengele

Ongeza Kwenye Kipengele cha Zitakazochezwa

Video, muziki, na rekodi nyingine za sauti kwenye programu

1. Bofya alama ya Mengineyo

2. Bofya Ongeza Kwenye Zitakazochezwa

3. Chagua kipengele mojawapo ikiwa kipo au bofya Unda Zitakazochezwa ili kuunda kipengele

Picha zinazopatikana ndani ya programu ya JW Library

1. Chagua picha

2. Bofya Ongeza Kwenye Zitakazochezwa kwenye alama ya jumlisha

3. Chagua kipengele mojawapo ikiwa kipo au bofya Unda Zitakazochezwa ili kuunda kipengele

Vyanzo Vingine

Unaweza kuongeza video, rekodi za sauti, au picha kwenye zitakazochezwa.

1. Nenda kwenye ukurasa wa Zitakazochezwa

2. Fungua kipengele ulichounda awali

3. Bofya Pakia Faili

4.   Chagua faili unayotaka kuongeza kwenye kipengele hicho

Badili Jina

Badili jina la kipengele:

• Ikiwa umefungua sehemu ya Zitakazochezwa, bofya alama ya Mengineyo kwenye kipengele, kisha chagua Badili Jina na uandike jina unalotaka

• Ikiwa umefungua kipengele fulani, bofya alama ya Badili Jina kisha uandike jina unalotaka

Badili jina la video, rekodi ya kusikiliza, au picha iliyo ndani ya kipengele:

1. Bofya alama ya Mengineyo kwenye video, rekodi ya kusikiliza, au picha hiyo

2. Chagua Badili Jina kisha andika jina jipya

Badili Mfuatano wa Video, Rekodi za Kusikiliza, na Picha Ndani ya Kipengele

• Shikilia unachotaka kuhamisha kisha ukiachilie unapofika unapotaka kukihamishia

Kuwezesha Video

Video, rekodi ya kusikiliza, au picha inapofunguliwa katika kipengele huwa inaanza kucheza moja kwa moja. Unaweza kubadili hilo kwenye Vipimo. Kuna machaguzi mawili, Cheza na Sitisha.

Kubadili Mipangilio

Unaweza kuamua kubadili mpangilio wa video na rekodi za sauti zinapomaliza kucheza:

1. Bofya Endelea

2. Chagua kati ya Endelea, Simamisha, Gandisha, na Rudia

Endelea ndio mpangilio uliopo. Unaweza kubadilisha mpangilio huo wa msingi kwenye Mipangilio.

Unaweza kupunguza urefu wa rekodi kwa kutumia Kata ili kuchagua kisehemu unachotaka cha video au rekodi ya sauti.

1. Bofya alama ya Mengineyo iliyo kulia juu kwenye rekodi hiyo kisha chagua Kata

   Au, ikiwa unacheza rekodi, nenda kwenye kitufe cha Mipangilio kisha chagua Kata

2. Punguza kisanduku kinachoonyesha muda kwa kukivuta kushoto hadi sehemu rekodi itakapoanzia au kulia hadi sehemu itakapoishia

   Ili kupatia muda kamili wa kuanzia au kuishia, tumia kistari cheupe kilicho ndani ya kisanduku hicho

3.   Cheza kisehemu hicho ulichopunguza kwa kubofya Cheza

Unaweza kushiriki kipengele ulichounda.

• Ikiwa umefungua ukurasa wa Zitakazochezwa, bofya alama ya Mengineyo kwenye kipengele hicho, kisha bofya Shiriki na uchague programu utakayotumia ili kushiriki kipengele hicho

•   Ikiwa umefungua kipengele, bofya Shiriki na uchague programu utakayotumia ili kutuma kipengele hicho

Njia za mkato za kibodi ni njia rahisi ya kubadili video, rekodi za sauti, au picha zinazochezwa katika kipengele.