JW LIBRARY
Tia Alama Maandishi—Android
Unaposoma na kujifunza machapisho kwenye JW Library, unaweza kutia alama maneno au mafungu ya maneno.
Fuata maelekezo yafuatayo kutia alama maandishi:
Tia Alama Maandishi
Kuna njia mbili za kutia alama maandishi.
Bofya na ugandamize neno ili kuliteua. Unaweza kutumia vishikizo ili kutanua eneo unalotaka kutia alama. Katika menyu inayojitokeza, bofya kitufe cha Tia Alama; kisha chagua rangi ya kutia alama maandishi.
Ili kutia alama neno au fungu la maneno mara moja, bofya na ugandamize huku ukitelezesha kidole juu ya maandishi unayotaka kutia alama. Unapomaliza, menyu yenye rangi mbalimbali itajitokeza kwa muda mfupi. Unaweza kubadili rangi ya alama uliyotia au kuifuta.
Badili Rangi ya Alama
Ili kubadili rangi ya alama uliyotia, bofya maandishi uliyotia alama; kisha chagua rangi tofauti. Ili kuondoa alama uliyotia, bofya maandishi uliyotia alama; kisha bofya kitufe cha Futa.
Sehemu hizo mbalimbali zilipatikana Novemba 2015 kwenye JW Library toleo la 1.6, ambalo linafanya kazi vizuri kwenye vifaa vinavyotumia mfumo wa Android 4.0 au wa karibuni zaidi. Ikiwa huoni mambo haya, tafadhali fuata mwelekezo kwenye makala “Anza Kutumia JW Library—Android,” kwenye Pata Habari za Karibuni Zaidi.
